Pep Guardiola បាននែនាំឲ្យកីឡាកររបស់គាត់ខិតខំលេងនៅលើទីលាន ហើយបដិសេធមិនចូលរួមក្នុងសង្គ្រាមពាក្យសម្តីជាមួយនឹងកីឡាករ Trent Alexander-Arnold របស់ Liverpool។
ខ្សែការពារ Liverpool បានបន្ថែមកម្តៅដល់ការប្រកួតដ៏សំខាន់នៅ Premier League ចុងសប្តាហ៍នេះជាមួយនឹងក្រុម Man City របស់ Pep ដោយអះអាងថាការឈ្នះពានរង្វាន់របស់ Liverpool មានអត្ថន័យជាងការឈ្នះពានរបស់ Man City។
កីឡាករ Erling Haaland និង Ruben Dias បានវាយបកវិញដោយចង្អុលចំៗទៅ Alexander-Arnold ថាមិនធ្លាប់ឈ្នះពាន Treble នោះទេ ដូច្នេះហើយគាត់មិនអាចដឹងថាក្លឹប Manchester មានអារម្មណ៍អស្ចារ្យយ៉ាងណានោះទេ ប៉ុន្តែលោក Guardiola មិនចង់ចាក់សាំងថែមទៅលើភ្លើងនោះទេ។
លោក Guardiola ត្រូវបានសួរអំពីការអត្ថាធិប្បាយរបស់ Alexander-Arnold ខណៈដែល Arnold បានអវត្តមានដោយរបួសជង្គង់អស់មួយខែកន្លងមក ហើយមិនត្រូវបានគេរំពឹងថានឹងចូលរួមប្រកួតនៅថ្ងៃអាទិត្យនោះទេ។ Guardiola បានឆ្លើយថា៖
“ខ្ញុំសូមជូនពរគាត់ ខ្ញុំសូមជូនពរគាត់ឱ្យឆាប់ជាសះស្បើយ និងត្រលប់មកទីលានវិញឱ្យបានឆាប់តាមដែលអាចធ្វើទៅបាន”៕
