Paulo Dybala បានបង្ហាញមិត្តរួមក្រុមកំពូលទាំងបីរបស់គាត់ ដែលមានដូចជា Lionel Messi និង Cristiano Ronaldo។ យ៉ាងណាមិញ ជម្រើសទី៣របស់កីឡាករវ័យ៣០ឆ្នាំរូបនេះ បានធ្វើឱ្យអ្នកគាំទ្រភ្ញាក់ផ្អើល។
Dybala បានលេីកយកឈ្មោះកីឡាករ Gonzalo Higuain ថាជាមិត្តរួមក្រុមដែលគាត់ចូលចិត្តបំផុតក្នុងពិភពបាល់ទាត់។
Dybala បាននិយាយថា៖
“Messi, Ronaldo និង Gonzalo Higuain គឺជាមិត្តរួមក្រុមដែលខ្ញុំចូលចិត្តបំផុតទាំងបីនៅក្នុងពិភពបាល់ទាត់។ Ronaldo គាត់ជាជើងឯក ការលេងជាមួយគាត់នៅ Juventus គឺអស្ចារ្យណាស់។
ខ្ញុំបានរៀនពីការយកចិត្តទុកដាក់ចំពោះអាជីពរបស់ខ្ញុំពីគាត់ និងការចង់ឈ្នះ ទោះបីខ្ញុំសម្រេចបានគ្រប់យ៉ាងក៏ដោយ។ ខ្ញុំមិនភ្ញាក់ផ្អើលទេដែលគាត់ធ្វើបានល្អនៅអារ៉ាប៊ីសាអូឌីត។
ថ្វីត្បិតតែក្តីសុបិនរបស់ខ្ញុំតាំងពីតូចគឺចង់លេងជាមួយ Messi… គាត់គឺជាអ្នកបំផុសគំនិតឥតឈប់ឈរ។ បានចែករំលែកបទពិសោធន៍ជ័យជំនះ World Cup ជាមួយគាត់ គឺជាអ្វីដែលខ្ញុំមិនអាចបំភ្លេចបាន”៕