ក្រុមជម្រើសជាតិក្រោមអាយុ២២ឆ្នាំរបស់កម្ពុជា នឹងត្រូវប្រកួតជាមួយក្រុម U22 របស់ម៉ាឡេស៊ីហើយនៅម៉ោង៤រសៀលនេះ ក្នុងពានរង្វាន់ Merlion Cup 2023 នៅប្រទេសសិង្ហបុរី។
ក្រុមទាំងពីរ មានប្រកួតជួបគ្នាបាន៣ដងមកហើយ ដោយក្នុងនោះឃើញថាក្រុម U22 កម្ពុជាធ្វើបានល្អជាងដោយមិនធ្លាប់បរាជ័យនោះទេ ឈ្នះ២ប្រកួត និងស្មើគ្នា១ប្រកួត។ នេះជាការប្រកួតមួយដែលក្រុមទាំងពីរនឹងធ្វើការតេស្ដសមត្ថភាពកីឡាកររៀងៗខ្លួនដើម្បីត្រៀមប្រកួតពានរង្វាន់ស៊ីហ្គេម២០២៣ដែលចាប់ផ្ដើមនៅខែឧសភាឆ្នាំ២០២៣ខាងមុខនេះ។
បុរសជនជាតិជប៉ុន លោក Keisuke Honda ដែលជាអ្នកចាត់ការទូទៅក្រុមU22ជម្រើសជាតិកម្ពុជា បានចាត់ទុកការប្រកួតខាងលើ ថា «ជាការបក្រកួតដ៏សំខាន់» សម្រាប់ក្រុមU22ជម្រើសជាតិកម្ពជា ដោយការប្រកួតនេះ ក៏មានការផ្សាយបន្តផ្ទាល់តាមកញ្ចក់ទូរទស្សន៍ BTV ផងដែរ៕