ខ្សែប្រយុទ្ធ Cristiano Ronaldo រកបានដល់ទៅ២គ្រាប់ម្នាក់ឯងជួយក្រុមព័រទុយហ្គាល់យកឈ្នះលើក្រុមលីចតេនស្ទីន ក្នុងលទ្ធផល ៤-០ នៅវគ្គជម្រុះដំបូងនៃពានរង្វាន់ Euro 2024 ។
ក្រោមការដឹកនាំរបស់គ្រូបង្វឹកថ្មី កីឡាករ Ronaldo ទទួលបានឱកាសក្នុងការជាប់ជម្រើស១១នាក់ដំបូងវិញហើយ។ ជាក់ស្ដែងប្រកួតនេះ ក៏ឃើញថាគេលេងបានល្អផងដែរ ដោយរកបានដល់ទៅ២គ្រាប់ក្នុងចំណោម៤គ្រាប់ដែលព័រទុយហ្គាល់យកឈ្នះទៅលើក្រុមលីចតេនស្ទីននៅយប់មិញនេះ។ វាជាការដឹកនាំក្រុមប្រកួតទី១របស់លោក Roberto Martínez ហើយកីឡារកផ្ទាល់ក៏ឃើញថាមានកម្លាំងចិត្តលេងឡើងវិញផងដែរ។
ត្រឹមវ័យ៣៨ឆ្នាំនេះ Ronaldo រកបានឱ្យជម្រើសជាតិព័រទុយហ្គាល់ចំនួន១២០គ្រាប់ហើយ និងជាចំនួនគ្រាប់បាល់នៅជម្រើសជាតិច្រើនបំផុតផងដែរ៕