ខ្សែប្រយុទ្ធ Earling Haaland ពិតជាកំពុងឡើងជើងមែនទែន ដោយរកបាន៣គ្រាប់ថែមទៀតហើយក្នុងការប្រកួតយកឈ្នះក្រុម Burnley ៦-០ កាលពីយប់មិញនេះពានរង្វាន់ FA Cup ។
ការប្រកួតនេះដែរ គេសង្កេតឃើញថាក្រុម Man City ដាក់សម្ពាធទៅលើក្រុម Burnley មែនទែន។ ជាក់ស្ដែងលោក Pep បានប្រើប្រាស់កីឡាករពេញជើងតែម្ដងក្នុងការប្រកួតនេះ ហើយក៏ឃើញថាលទ្ធផលបានល្អខ្លាំងមែនទែន។ Haaland ដែលរកបាន៥គ្រាប់ទល់ក្រុម RB Leipzig ពានរង្វាន់ UEFA Champions League កន្លងទៅ បានបន្ដធ្វើបានល្អ រកបាន៣គ្រាប់ទៀតហើយឱ្យ City ខណៈដែល៣គ្រាប់ដទៃទៀតចេញពី Alvarez ២គ្រាប់ Palmer ១គ្រាប់។
មកដល់ពេលនេះត្រឹមរដូវកាលដំបូង Haaland ធ្វើបាន Hat-trick រហូតដល់ទៅ៦ដងទៅហើយ។ ជាមួយការធ្វើបានល្អ រកគ្រាប់បាល់បានច្រើនៗក្នុងមួយប្រកួតនេះដែរ អ្នកគាំទ្ររំពឹងថាកីឡាករវ័យក្មេង២២ឆ្នាំ នឹងកាន់តែឡើងមួយកម្រិតទៀត ហើយអាចរកបានដល់៦០គ្រាប់នារដូវកាលនេះ ព្រោះការប្រកួតរបស់ City នៅសល់ប្រមាណជា១៨ប្រកួតទៀតឯណោះ៕