លោក Graham Potter គ្រូបង្វឹករបស់ក្រុមតោខៀវ Chelsea បាននិយាយថាក្រុមរបស់លោកនឹងព្យាយាមក្នុងការឈ្នះពានរង្វាន់ UEFA Champions League នារដូវកាលនេះឱ្យបាន។
ការចាប់ឆ្នោតវគ្គ៨ក្រុមចុងក្រោយពានរង្វាន់ UEFA Champions League បានធ្វើឡើងកាលពីល្ងាចម្សិលមិញនេះ។ ជាលទ្ធផលឃើញថាក្រុម Chelsea ប៉ះជាមួយក្រុម Real Madrid ទៀតហើយ ខណៈដែលរដូវកាលមុននៅវគ្គ៨ក្រុមនេះ ពួកគេក៏ប៉ះគ្នាផងដែរ។ ដោយកាលនោះ Real Madrid ជាអ្នកឡើងទៅវគ្គបន្ដ រហូតដល់ឈ្នះពានរង្វាន់ UEFA Champions League តែម្ដង។
សម្រាប់រដូវកាលនេះវិញ ក្រោមការដឹកនាំរបស់អ្នកចាត់ការថ្មី Potter បានបង្ហាញចំណាប់អារម្មណ៍ថាក្រុមរបស់លោកនិងព្យាយាមដើម្បីឱ្យឈ្នះពានរង្វាន់ UEFA Champions League ។ លោកដឹងថាក្រុមដទៃទៀតក៏មានបំណងដូចគ្នានេះដែរ។ បើទោះជាប៉ះជាមួយក្រុម Real Madrid ដែលជាក្រុមជោគជ័យបំផុតនៅ UCL នេះ ក៏លោកយល់ឃើញថានេះជាឱកាសល្អសម្រាប់ក្រុម ក្នុងការបង្ហាញសមត្ថភាពរបស់ខ្លួនដែរ៕