កីឡាករប្រដាល់កម្ពុជា អេលីត ចំរើន ដែលបងប្អុនតែងតែស្គាល់ និងទទួលស្គាល់ថាជាជើងខ្លាំងមួយរូបរបស់កម្ពុជានោះ បានប្រកាសលាឈប់ពីវិស័យមួយនេះទៅហើយ។
កូនសិស្សរបស់លោកគ្រូ សន អេលីត ខាងលើបានសរសេរនៅលើបណ្ដាញសង្គមរបស់ខ្លួនថា៖ ពេលវៃឈ្នះក៏រិះគន់ពេលចាញ់ក៏រិះគន់ពេលឈប់ក៏នៅតែរិះគន់ឈប់បានឈប់ទៅ ខ្ញុំឈប់មិនមែនមកពីខ្ញុំអន់ចិត្ត នឹងរឿងចាញ់ទេ ខ្ញុំឈប់មានមូលហេតុរបស់ខ្ញុំ បើមិនដឹងរឿងខ្ញុំទេ កុំចាំតែរិះគន់ស្តីបន្ទោស ផ្តាំទៅបងៗមួយចំនួនដែលចាំតែខមិនរិះគន់គេ នឹងសូមបងយកពេលនឹងទៅមើលថែគ្រួសារបងៗអោយល្អទៅទោះខ្ញុំឈប់ពីប្រដាល់មែនតែខ្ញុំក៏មានមុខរបខ្ញុំ ដែរអាចចិញ្ចឹមជីវិតរស់ ហើយក៏សូមអរគុណបងៗដែលតែងតែគាំទ្រស្រលាញ់ខ្ញុំដូចគ្នា អរគុណគុនខ្មែរដែលធ្វើអោយខ្ញុំបានមកដល់ថ្ងៃនេះ។
ទាក់ទងនឹងរឿងប្រកាសឈប់ប្រកួតនេះដែរ ត្រូវបានលោកគ្រូ ស៊ន អេលីត ដែលជាគ្រូរបស់គេផ្ទាល់បង្ហើបថាមកពីមានការដកឈ្មោះ របស់ចំរើនចេញពីកម្មវិធីប្រដាល់មួយ។ ការដកឈ្មោះនោះទៀតសោត ក៏ដោយសារតែរូបគេមិនគោរពវិន័យក្នុងការហ្វឹកហាត់របស់ក្លឹប៕