ក្រុមបិសាចក្រហម Manchester United បានបរាជ័យក្រោមថ្វីជើង Juventus ក្នុងលទ្ធផល ០-១ នាការប្រកួតសន្សំពិន្ទុពានរង្វាន់ UEFA Champions League ។
ក្រោយពីចប់ការប្រកួតនេះទៅ លោក Jose Mourinho បាននិយាយថាក្រុម Juventus មានកីឡាករល្អច្រើនដែលជារនាំងមិនឱ្យបិសាចក្រហមស្វែងរកគ្រាប់បាល់បាន។ ជាក់ស្ដែង ខ្សែការពារ២នាក់គឺ Bonucci និង Chiellini សុទ្ធតែជាកំពូលខ្សែការពារលើលោក ដែលជាប្រយោជន៍មួយឱ្យ Juventus លេងបានយ៉ាងល្អ និងងាយស្រួលបំផុត។
ឆ្លងកាត់៣ប្រកួតមកនេះ ក្រុម Man Utd ឈរនៅចំណាត់ថ្នាក់លេខ២ក្នុងតារាង ដោយមានត្រឹម៤ពិន្ទុ ស្របពេល Juventus វិញ មាន៩ពិន្ទុពេញឈរកំពូលតារាង។ ក្រុមចំណាត់ថ្នាក់លេខ៣ក្នុងពូល H នេះ គឺ Valencia ដែលមាន២ពិន្ទុ និងក្រុមបាតតារាងគឺ Young Boys មាន១ពិន្ទុ៕ប្រភពDailyMail