ក្រុម Spurs ដែលកំពុងឡើងជើងរបស់អង់គ្លេស បានបរាជ័យក្រោមថ្វីជើងក្រុម Sporting ក្នុងលទ្ធផល ២-០ សម្រាប់ការប្រកួតពានរង្វាន់ UEFA Champions League កាលពីយប់មិញនេះ។
ការប្រកួតរវាងក្រុមទាំងពីរតង់ទី១មិនមានគ្រាប់បាល់នោះទេ ហើយតង់ទី២វិញក៏ចាប់ផ្ដើមដោយគ្មានគ្រាប់បាល់ដែរ ពោលគឺរង់ចាំដល់នាទី៩០+ ឯណោះទើបមានគ្រាប់កើតឡើង។ ដោយក្រុម Sporting មានឱកាសរកបាន២គ្រាប់ទៅលើក្រុម Spurs ក្នុងនាទី៩០+ មួយគ្រាប់ដោយកីឡាករ Paulinho និងនាទី ៩០+៣ មួយគ្រាប់ទៀតដោយកីឡាករ Arthur Gomes ។ ចប់ការប្រកួត Sporting ដែលជាម្ចាស់ផ្ទះយកឈ្នះលើក្រុម Spurs បានក្នុងលទ្ធផល ២-០។
ការរបួតគ្រាប់នៅចុងម៉ោងនេះដែរ បានធ្វើឱ្យអ្នកគាំទ្រស្ទើរតែមិនជឿនឹងភ្នែកទៅហើយ ព្រោះនាទី៩០+ ទៅហើយ បែរជាបណ្ដោយឱ្យគេស៊ុតចូលដល់ទី២គ្រាប់បែបនេះ។ លោក Antonio Conte អ្នកចាត់ការក្រុម Spurs ក៏បាននិយាយដែរថាកូនក្រុមបានបង្កកំហុសច្រើននៅប្រកួតមួយនេះ។ ដូច្នេះនេះជាមេរៀនមួយ និងត្រូវកាត់បន្ថយការបង្កើតកំហុសសម្រាប់ប្រកួតក្រោយៗទៀត៕