អ្នកចាំទី Alex You ដែលគ្រប់គ្នាបានស្គាល់នៅពេលគេលេងឱ្យក្រុមភ្នំពេញក្រោននោះ ពេលនេះបានត្រលប់ទៅដល់ស្រុកកំណើតប្រទេសបារាំងវិញហើយ និងរកបានក្លឹបថ្មីលេងដូចគ្នា។
តាមរយៈ ការបង្ហោះនៅលើបណ្ដាញសង្គមរបស់គេ អ្នកគាំទ្របានឃើញអ្នកចាំទីរូបសង្ហារនេះ ពាក់អាវរបស់ក្រុម Toulouse FC ទៅហើយ ខណៈដែលកម្រិតនៃក្រុមនោះគឺនៅឈុត B ។ រូបគេបានទៅចូលរួមជាមួយក្រុមកម្រិត B នេះប៉ុន្មានខែមកហើយ។ ដោយក្នុងនោះក៏បានចូលលេងការប្រកួតមិត្តភាពនានាហើយដែរ។ នេះជាក្លឹបដំបូងរបស់ Alex You ដែលចាប់ផ្ដើមលេងបាល់ទាត់ហើយ។
Toulouse FC B នឹងមានវត្ដមានលេងក្នុងកម្រិត National League Reserve ។ តែនេះក៏ជាជំហានល្អមួយសម្រាប់អ្នកចាំទីខាងលើផងដែរ ដើម្បីបន្ដអាជីពបាល់ទាត់របស់ខ្លួនទៀត។ ខណៈដែលអំឡុងពេលលេងនៅកម្ពុជាកន្លងទៅ រូបគេបានលេងឱ្យក្លឹបធំៗជាច្រើនដូចជា ភ្នំពេញក្រោន បឹងកេត និងព្រះខ័នរាជស្វាយរៀងជាដើម៕