Marcelo ខ្សែការពារឆ្នើមរបស់ Real Madrid បានបង្ហើបប្រាប់មិត្តភក្ដិរបស់ខ្លួនថា ចង់ទៅលេងនៅ Juventus ជាមួយ Cristiano Ronaldo នៅខែមករាខាងមុខនេះ។
ខ្សែការពារស្លាបខាងលើ កសាងកេរ្តិឈ្មោះបានល្បីយ៉ាងខ្លាំង ក្នុងរយៈពេល៣ឆ្នាំចុងក្រោយនេះ តាមរយៈការឡើងទៅជួយនៅតំបន់ប្រយុទ្ធ និងការស្វែងរកគ្រាប់បាល់បានរបស់ខ្លួន។ យ៉ាងណាមិញ ក្រោយពីការចាកចេញរបស់ Ronaldo ពី Real Madrid ទៅ គេសង្កេតឃើញថាកីឡាករប្រេស៊ីលរូបនេះ ហាក់ខុសប្លែកពីមុន ទាំងទម្រង់លេងនិងទឹកមុខក្នុងការប្រកួត។
កាសែតនៅអេស្ប៉ាញបានចុះផ្សាយកាលពីម្សិលមិញទៀតថា Marcelo អាចនឹងចាកចេញទៅតាម Ronaldo មែនទែនហើយនៅខែមករាខាងមុខ។ ការអះអាងយ៉ាងនេះ ដោយសារតែលទ្ធផលរបស់ក្រុម Real Madrid ទាំងមូល ដែលកំពុងដុនដាបយ៉ាងខ្លាំង។ ស្របពេលកីឡាករជម្រើសជាតិប្រេស៊ីលរូបនេះ ធ្លាប់និយាយហើយថា បើ Ronaldo ចេញពីអេស្ប៉ាញ រូបគេក៏ចេញដែរ ព្រោះពួកគេជាមិត្តភក្ដិល្អនឹងគ្នា៕ប្រភពDailyMail
