Javier Tebas រកឃើញថាការចំណាយរបស់ក្លឹបនៅ Premier League មិនអាចទទួលយកបានទេ ព្រោះវាមានកម្រិតខុសគ្នាឆ្ងាយខ្លាំងជាងក្លឹបមកពីលីគកំពូលផ្សេងទៀតរបស់អឺរ៉ុប។ លីគបារាំង អាឡឺម៉ង់ អេស្បាញ និងអ៊ីតាលី ចំណាយបរិមាណប្រហាក់ប្រហែលគ្នាលើការផ្ទេរកីឡាករ ប៉ុន្តែគ្មានលីគណាមួយអាចប្រកួតប្រជែងជាមួយក្លឹបអង់គ្លេសនៅលើទីផ្សារដោះដូរកីឡាករបាននោះទេ។
Tebas ទទួចថាម៉ូដែលដោះដូរបែបនេះមិនមាននិរន្តរភាពសម្រាប់លីគផ្សេងទៀតទេ ហើយគាត់ថាត្រូវតែធ្វើរឿងអ្វីមួយហើយ។
Tebas បានពន្យល់កាលពីថ្ងៃសុក្រថា “របាយការសមតុល្យសុទ្ធបានបង្ហាញថា ពួកគេបានចំណាយ ១២០០ លានច្រើនជាងអ្វីដែលពួកគេរកបានត្រឡប់មកវិញ”។
“Bundesliga បានចំណាយ ៥០ លាន តិចជាងពួកគេរកបាន យើងបានចំណាយ ៥០ លាន បន្ថែមទៀត អ៊ីតាលីបានចំណាយតិចជាង ២៤ លាន។ មើលពីភាពខុសគ្នាទៅ។
“ចំណូលរបស់ LaLiga គឺ ៤០០០ លាន, Bundesliga គឺប្រហែល ៤០០០ លាន បន្ទាប់មក Premier League គឺ ៧១០០-៧២០០ លាន។
“តើមានអ្វីកើតឡើង? មានការត្រួតពិនិត្យជាច្រើនត្រូវបានសរសេររៀបរាប់រឿងនេះពីមួយឆ្នាំទៅមួយឆ្នាំ។”
Tebas បានបន្តបង្ហាញពីតួលេខដែលបង្ហាញថាចំនួនប្រាក់កំពុងវិលជុំវិញបាល់ទាត់អង់គ្លេសបើប្រៀបធៀបទៅនឹងប្រទេសអេស្ប៉ាញ ឬប្រទេសអឺរ៉ុបផ្សេងទៀត។
លោក Tebas បាននិយាយថា “ចំនួនទឹកប្រាក់នៃក្របខ័ណ្ឌ Premier League គឺអាចធ្វើទៅបានតែជាមួយសៀវភៅសែករបស់ម្ចាស់ភាគហ៊ុនប៉ុណ្ណោះ។ ប្រសិនបើយើងធ្វើបែបនោះ អ្នកចាញ់ដ៏ធំបំផុតគឺ Real Madrid, Barcelona, Osasuna និង Athletic Club ពីព្រោះពួកគេមិនអាចបើកសៀវភៅសែករបស់ពួកគេបាននោះទេ។”
“Barcelona ត្រូវតែលក់ទ្រព្យសម្បត្តិ ហើយ PSG ងាកទៅរកឧស្ម័ន។ វាមិនមាននិរន្តរភាពទេ។
“ពេលខ្លះយើងភ្លេចថាអេស្ប៉ាញមានពានរង្វាន់អឺរ៉ុបចំនួន ៣៧ នៅសតវត្សរ៍នេះ។ លីគបន្ទាប់គឺ Premier League គី ១៣ ។ យើងបានឈ្នះ ៦០ ភាគរយនៃពានរង្វាន់អឺរ៉ុបក្នុងរយៈពេល ១០ ឆ្នាំកន្លងមកនេះ។
“យើងត្រូវតែវាយតម្លៃអ្វីៗ និងស្វែងរកអ្វីដែលកំពុងកើតឡើងនៅក្នុងសេដ្ឋកិច្ចនៃបាល់ទាត់។
យើងត្រូវតែឆ្ពោះទៅរកគំរូប្រកបដោយនិរន្តរភាពដូចជា Bundesliga ដរាបណាយើងអាចគ្រប់គ្រងបាល់ទាត់អេស្ប៉ាញបាន នោះយើងនឹងមិនព្រួយបារម្ភនោះទេ។
“តើយើងអាចព្រួយបារម្ភដោយរបៀបណាប្រសិនបើវាដូចគ្នានឹង Bundesliga? ពួកគេគឺល្អបំផុតនៅអឺរ៉ុប”៕
ប្រភព៖ Marca