Mathys Tel បានក្លាយជាកីឡាករក្មេងបំផុតនៅក្របខណ្ឌ Bundesliga ដែលរកគ្រាប់បាល់បានក្នុងការប្រកួតដែលក្រុម Bayern Munich លេងស្មើក្រុម Stuttgart ក្នុងលទ្ធផល ២-២។
នៅត្រឹមអាយុ១៧ឆ្នាំនិង១៣៦ថ្ងៃ Tel បានរកគ្រាប់បាល់បានក្នុងក្របខណ្ឌកំពូលរបស់អាល្លឺម៉ង់ទៅហើយ។ កីឡាករបារាំងនេះ បានបំបែកកំណត់ត្រារបស់ Jamal Musiala ដែលមានអាយុច្រើនជាងគេត្រឹមតែ៦៩ថ្ងៃប៉ុណ្ណោះ ដែលកំណត់ត្រានោះកើតឡើងនៅ២ឆ្នាំមុនជាមួយក្រុម Schalke ។ យ៉ាងណាមិញ ជាមួយលទ្ធផលដែលគេជួយក្រុម Bayern យកបាន១ពិន្ទុនេះ គឺធ្វើឱ្យក្រុមមួយនេះនៅឈរកំពូលតារាងដដែល ដោយមាន១២ពិន្ទុឆ្លងកាត់៦ប្រកួត។
ក្រុម Bayern Munich នាប៉ុន្មានប្រកួតចុងក្រោយនេះក៏ធ្វើមិនសូវបានល្អដែរ។ ពួកគេលេងស្មើ និងឈ្នះ មិនអាចរក្សាការយកបាន៣ពិន្ទុរហូតនោះទេ៕