ក្រុម Manchester City នឹងត្រូវទៅសួរសុខទុក្ខក្រុម Shakhtar Donetsk ក្នុងការប្រកួតពានរង្វាន់ UEFA Champions League នៅរាត្រីនេះ។
លោក Pep Guardiola បាននិយាយចំពោះការប្រកួតខាងលើថាពិតជាស្វិតស្វាញ និងពិបាកសម្រាប់ក្រុម Man City ក្នុងការស្វែងរកជ័យជម្នះ។ តែទោះជាយ៉ាងនេះក្ដី ក្រុមទាំងមូលនឹងប្រឹងប្រែងដើម្បីបានឱកាសឡើងទៅវគ្គបន្ដ បើទោះជាត្រូវលេងនៅក្រៅដីក៏ដោយ។
អ្នកចាត់ការដែលមិនទុកថាក្រុមខ្លួនជាក្រុមមានភាគរយខ្ពស់ឈ្នះពានរង្វាន់ខាងលើ បាននិយាយចំពោះអ្នកគាំទ្ររបស់ខ្លួនទៀតថាពួកគេហាក់ដូចជាមិនទាន់បង្ហាញកាយវិការចង់ឈ្នះពាននេះនៅឡើយទេ។ អ្នកគាំទ្រពុំបានដាក់សម្ពាធអ្វីឡើយទៅលើក្រុមទាំងមូល ដូច្នេះហើយវាពិតជាពិបាកក្នុងការធ្វើឱ្យកីឡាករខំប្រឹងប្រែងលេងខ្លាំងណាស់។
អតីតអ្នកចាត់ការ Barcelona ចង់ផ្ដាំទៅអ្នកគាំទ្រថា ប្រសិនបើចង់ឈ្នះ Champions Laegue ពួកគេត្រូវតែប្រឹងប្រែងគាំទ្រ លើកទឹកចិត្តដល់កីឡាករ ធ្វើយ៉ាងណាឱ្យពួកគេឈ្នះគ្រប់ប្រកួតទាំងអស់ មិនថានៅក្រៅដីឬក្នុងដីឡើយ៕ប្រភពDailyMail
