ក្រុម FC Barcelona ចង់ប្រើប្រាស់ផ្លូវច្បាប់ហើយដើម្បីទាមទារប្រាក់៤០លានអឺរ៉ូពីក្រុម Atletico Madrid ចំពោះករណីដែលពួកគេខ្ចីជើង Antonio Griezmann ទៅ។
ខ្សែប្រយុទ្ធវ័យ៣១ឆ្នាំបានចូលរួមជាមួយក្រុម AT Madrid ក្រោមលក្ខខណ្ឌខ្ចីជើង២រដូវកាលចាប់តាំងពីឆ្នាំ២០២១មក ដោយក្នុងនោះមានលក្ខខណ្ឌត្រូវទិញផ្ដាច់ផងដែរ ប្រសិនបើខ្សែប្រយុទ្ធបារាំងនេះអាចជួយក្រុមបានច្រើននិងលេងបាន៥០%នៃប្រកួត។ ដោយតម្លៃដែលក្រុម AT Madrid ត្រូវបង់ដើម្បីទិញផ្ដាច់នោះគឺ៤០លានអឺរ៉ូ។
តែយ៉ាងណានារដូវកាលនេះដែលជារដូវកាលចុងក្រោយនៃកុងត្រានោះ ក្រុម AT Madrid ហាក់មិនដាក់ឱ្យកីឡាករបារាំងបានលេងច្រើននោះទេ ពោលគឺដូរចូលរហូតចាប់ពីនាទី៦០ឡើងទៅ។ ដោយនេះសបញ្ជាក់ឱ្យឃើញថានៅរដូវកាលនេះគេមិនទាន់លេងបានដល់៥០%នោះទេ ដូច្នេះក្រុម AT Madrid ក៏មិនបាំបាច់ត្រូវបង់៤០លានអឺរ៉ូទៀតដែរ។
ដោយសារតែមើលឃើញថាក្រុម AT Madrid លេងល្បិចបែបនេះហើយ ទើបបានជាក្រុម Barcelona មិនយល់ស្រប ហើយចង់ប្ដឹងទៅក្រុមនេះដើម្បីទួទាត់ប្រាក់៤០លានអឺរ៉ូឱ្យគេ មិនត្រូវប្រើល្បិចខូចនោះទេ៕