លោក Fabio Capello អតីតគ្រូបង្វឹក AC Milan និង Real Madrid បានហៅលោក Carlo Ancelotti ថាជាគ្រូបង្វឹកសញ្ជាតិអ៊ីតាលីមានតាក់តិចខ្លាំងបំផុតហើយ។
Ancelotti បានចូលមកដឹកនាំក្រុម Real Madrid នេះ២ដងមកហើយ ខណៈដែលបច្ចុប្បន្ននេះគេសង្កេតឃើញថាលោកកំពុងធ្វើឱ្យក្រុមអធិរាជសកាន់តែល្អប្រសើរឡើង និងគ្រប់គ្នាសុទ្ធតែសរសើរទាំងអស់។ ជាក់ស្ដែងនៅរដូវកាលមុននេះ ឈ្នះទាំងពានរង្វាន់ La Liga និង UEFA Champions League ។ ស្របពេលនៅរដូវកាលនេះក៏មិនទាន់ស្គាល់ពាក្យថាចាញ់ថែមទៀត។
ដោយសារតែដឹកនាំក្រុមបានយ៉ាងល្អនេះហើយ ទើបបានជាលោក Fabio Capello បានចាត់ទុកលោក Ancelotti ថាជាគ្រូបង្វឹកសញ្ជាតិអ៊ីតាលីល្អបំផុតហើយ។ ដោយលោកបានចាត់ថ្នាក់គ្រូបង្វឹក Real Madrid ខាងលើនេះល្អជាងគ្រូបង្វឹកដទៃទៀតដូចជា Arrigo Sacchi, Giovanni Trapattoni និង Marcello Lippi ផង៕