លោក Tite គ្រូបង្វឹកក្រុមជម្រើសជាតិប្រេស៊ីល បានបញ្ចេញឈ្មោះកីឡាករដែលត្រូវប្រមូលផ្ដុំត្រៀមប្រកួតមិត្តភាពនាចុងខែនេះហើយ។
តែក្នុងបញ្ជីឈ្មោះមិនមានកីឡាករកំពុងឡើងជើង Jesus របស់ក្រុម Arsenal ឡើយ។ ក្រៅពីកីឡាករម្នាក់នេះហើយ សមាជិក២នាក់ទៀតដែលលេងល្អនៅ Arsenal ដែរនោះគឺ Gabriel Martinelli និង Gabriel Magalhaes ក៏មិនមានឈ្មោះដូចគ្នា។ តែបញ្ជីឈ្មោះជម្រើសជាតិប្រេស៊ីលនេះ គឺគ្រាន់តែជាបញ្ជីឈ្មោះសម្រាប់លេងមិត្តភាពទល់ក្រុមហ្គាណា និងទុយណេស៊ីប៉ុណ្ណោះ។ សម្រាប់បញ្ជីឈ្មោះត្រៀមលេង FIFA World Cup 2022 វិញនៅមិនទាន់ចេញនៅឡើយទេ។
តែនេះក៏ជាសញ្ញាល្អវិញដែរសម្រាប់ក្រុម Arsenal ព្រោះសមាជិកសំខាន់ក្នុងក្រុម៣នាក់នេះមិនជាប់ជម្រើសជាតិ នោះពួកគេអាចបន្ដហ្វឹកហាត់បន្ថែមប្រមូលកម្លាំងបាន។ នៅពេលនេះ Arsenal កំពុងឈរនៅកំពូលតារាង Premeir League ស្រាប់ ដូច្នេះពួកគេនឹងមានឱកាសច្រើនហើយ៕