Jose ​ច្រាន​ចោល ​រឿង​ចង់​ទៅ​ដឹក​នាំ Real Madrid ​វិញ

លោក Jose Mourinho ​បាន​បញ្ជាក់​ថា​លោក​ចង់​បន្ដ​ដឹក​នាំ​ក្រុម Manchester United ​ហើយ​ក៏​គ្មាន​ចិត្ត​ចង់​ទៅ​ដឹក​នាំ​ក្រុម Real Madrid ​វិញ​ដែរ។

ក្នុង​សន្នីសីទ​កាសែត​មុន​ប៉ះ Juventus ​លោក Jose ​ត្រូវ​បាន​អ្នក​កាសែត​ជា​ច្រើន​សួរ​នាំ​ពី​ការ​ចង់​ទៅ​ដឹក​នាំ​ក្រុម Real Madrid ​គ្រា​ដែល​អ្នក​ចាត់ការ​​ក្រុម​អេស្ប៉ាញ​បច្ចុប្បន្ន​កំពុង​ប្រឈម​ការ​បណ្ដេញ​ចេញ។ ចម្លើយ​យ៉ាង​ខ្លី​ពី អ្នក​ចាត់ការ​ល្បី​ឈ្មោះ​រូប​នេះ គឺ​លោក​និយាយ​ថា No ។ Jose ​បន្ថែម​ទៀត​ថា​៖ “អនាគត​ខ្ញុំ​នៅ​ទីនេះ ​ខ្ញុំ​នៅ​សល់​កុងត្រា ​ហើយ​ចាប់​ពី​ពេល​នេះ​រហូត​ដល់​អស់​កុងត្រា គឺ​ខ្ញុំ​គិត​តែ​ពី Man Utd ​ប៉ុណ្ណោះ។ ហើយ​ខ្ញុំ​នឹង​នៅ​ទីនេះ​បន្ដ​ទៀត ​ប្រសិន​បើ​មាន​ការ​បន្ដ​កុងត្រា ​ក្រោយ​អស់​កុងត្រា​ចាស់”។

ក្រុម Real Madrid ​កំពុង​ជួប​បញ្ហា ដោយសារ​តែ​បរាជ័យ​ជាប់​ៗ​គ្នា​ពេក។ ហេតុ​នេះ បាន​ធ្វើ​ឱ្យ​តំណែង​របស់​លោក Julen ​កំពុង​ត្រូវ​ខ្យល់​ខ្លាំង ​ហើយ​អាច​បាត់បង់​គ្រប់​ពេល​វេលា ជា​ពិសេស​ប្រសិន​បើ​ចាញ់​នៅ​វគ្គ​សន្សំ​ពិន្ទុ Champions League ​ថែម​ទៀត​នោះ៕ប្រភពDailyMail

 

ភ្ជាប់ទំនាក់ទំនងជាមួយ CTS SPORT