ខ្សែប្រយុទ្ធ Son Heung-min បាននិយាយថាការមិនអាចរកគ្រាប់បាល់បាននាដើមរដូវកាលនេះ ក៏ព្រោះតែសំណាងមិនទាន់មានខាងខ្លួននៅឡើយ។
Son កីឡាករកូរ៉េខាងត្បូងជាម្ចាស់ស្បែកជើងមាសកាលពីរដូវកាលមុននៅក្របខណ្ឌ English Premier League ។ តែនៅរដូវកាលនេះវិញ រូបគេនៅមិនទាន់រកបាន១គ្រាប់នៅឡើយទេ ក្នុងការបង្ហាញខ្លួន៧ប្រកួតមកនេះ តែយ៉ាងណាលោក Conte អ្នកចាត់ការក្រុមនៅផ្ដល់ទំនុកចិត្តដាក់គេឱ្យលេងដដែល។ ដោយអ្នកចាត់ការរូបនេះអះអាងថាលោកមិនបារម្ភចំពោះសមត្ថភាពនិងទម្រង់លេងរបស់ Son ឡើយ។ គេនៅតែទទួលបានឱកាសលេងជានិច្ច ទោះមិនទាន់អាចរកគ្រាប់បាល់បានក៏ដោយ។
ជាមួយគ្នានេះដែរ សាមីខ្លួនក៏អះអាងថាសំណាងមិនទាន់មកដល់គេឡើយ ទើបប៉ុន្មានប្រកួតមកនេះមិនអាចរកគ្រាប់បាល់បាន។ តែនៅពេលខាងមុខ គេនឹងប្រឹងប្រែងបន្ថែមទៀតដើម្បីរកគ្រាប់បាល់ឱ្យក្រុម។ ខ្សែប្រយុទ្ធវ័យ៣០ឆ្នាំក៏បន្ថែមទៀតថា នៅពេលនេះមិនមែនជាពេលគិតថានរណារកបានឬមិនបានទេ សំខាន់ក្រុម Spurs ឈ្នះការប្រកួត និងកំពុងលេងសហការគ្នាបានល្អ៕


