លោក Thomas Tuchel ទទួលបានប្រាក់ប្រមាណ១៥លានផោន ចំពោះការបណ្ដេញចេញរបស់ក្រុមតោខៀវ Chelsea ដែលបានប្រកាសឡើងកាលពីម្សិលមិញនេះ។
លោក Tuchel ត្រូវបានក្រុម Chelsea បណ្ដេញចេញ ក្រោយពីធ្វើមិនបានល្អសោះនៅរដូវកាលនេះ ជាពិសេសលេងចាញ់ក្រុម Dinamo ក្នុងពានរង្វាន់ UEFA Champions League ក្នុងលទ្ធផល ១-០។ ការដកអ្នកចាត់ការសញ្ជាតិអាល្លឺម៉ង់ចេញភ្លាមៗនេះដែរ បង្កឱ្យមានភាពភ្ញាក់ផ្អើលជាខ្លាំង ព្រោះកន្លងមក មិនមានដំណឹងថាក្លឹបពិចារណាអ្វីនោះទេ តែស្រាប់មានដំណឹងបណ្ដេញចេញភ្លាមៗបែបនេះ។
យ៉ាងណាមិញ ក្លឹបដែលទើបផ្លាស់ប្ដូរម្ចាស់ខាងលើនេះដែរ ក៏យល់ព្រមបង់ថ្លៃផ្ដាច់កុងត្រាលោក Tuchel ពេញតម្លៃផងដែរ។ ពោលគឺលោក Tuchel នឹងទទួលបានប្រាក់ប្រមាណជា១៥លានផោនឯណោះចំពោះការបណ្ដេញចេញនេះ ដែលវាជាតម្លៃកុងត្រានៅសល់របស់លោក៕