ខ្សែការពារ Andy Robertson បាននិយាយថាក្រុមហង្សក្រហម Liverpool សក្ដិសមនឹងចាញ់ការប្រកួតនៅយប់មិញហើយ ព្រោះក្រុមម្ចាស់ផ្ទះ Napoli លេងល្អជាងក្រុមខ្លួនឆ្ងាយ។
ក្រុម Liverpool បានបរាជ័យយ៉ាងអាម៉ាស់តែម្ដងនៅយប់មិញនេះ ដោយចាញ់ក្រុម Napoli ក្នុងលទ្ធផល ៤-១ ឯណោះ។ ក្រោយពីចប់ការប្រកួតនោះទៅ ក្រុមរបស់លោក Jurgen Klopp ទទួលបានការស្ដីបន្ទោសច្រើនមែនទែនពីសំណាក់អ្នកគាំទ្រជាមួយទម្រង់លេងដែលពិបាកមើលខ្លាំងនៅយប់មិញ។ ពួកគេលេងហាក់បីដូចជាគ្មានអារម្មណ៍នៅក្នុងខ្លួនទាល់តែសោះ។
ជាមួយគ្នានោះដែរ Robertson ខ្សែការពារ Liverpool ផ្ទាល់បាននិយាយថា៖ “យើងស្ថិតនៅឆ្ងាយពីក្រុម Napoli ណាស់ ពួកគេលេងបានយ៉ាងល្អ។ ពួកគេបង្កើតឱកាសនិងសម្រេចចិត្តបានលឿន។ យើងបានបើកចន្លោះប្រហោងច្រើនក្នុងការប្រកួតនេះ។ Napoli លេងដូចមានសមាជិកក្រុមលើសយើងអីចឹង”៕
