លោក Rio Ferdinand វីរបុរសក្រុមបិសាចក្រហម Manchester United បាននិយាយថាខ្សែប្រយុទ្ធ Earling Haaland របស់ក្រុម Manchester City នឹងរកបានយ៉ាងតិច៤០គ្រាប់នារដូវកាលនេះ។
Haaland បន្ដរកគ្រាប់បាល់បានទៀតក្នុងការប្រកួតទល់ក្រុម Sevilla នៅយប់មិញ ដោយរូបគេរកបាន២គ្រាប់ក្នុងចំណោម៤គ្រាប់ដែល Man City យកឈ្នះក្នុងលទ្ធផល ២-០។ ដោយបន្ថែម២គ្រាប់នេះទៀត បានធ្វើឱ្យខ្សែប្រយុទ្ធន័រវែសរកបាន១២គ្រាប់ទៅហើយក្នុងការប្រកួត៧ប្រកួតឱ្យក្រុម City នារដូវកាលនេះ។
ដោយសារតែមើលឃើញពីសមត្ថភាពបញ្ចប់ទីយ៉ាងល្អនេះហើយ ទើបបានជាលោក Rio Ferdinand ហ៊ាននិយាយថា Haaland នឹងរកគ្រាប់បាល់បានយ៉ាងតិច៤០គ្រាប់ឱ្យក្រុម Man City នៅរដូវកាលនេះ។ គេមានសមត្ថភាពបញ្ចប់ទីបានយ៉ាងល្អ ហើយនៅតំបន់បម្រើរបស់ក្រុមរបស់លោក Pep ក៏សុទ្ធតែជាអ្នកបង្កើតឱកាសបានច្រើនទៀត នោះវានឹងក្លាយជារឿងងាយស្រូលសម្រាប់ Haaland ក្នុងការរកគ្រាប់បាល់ខ្លាំងណាស់៕