ខ្សែប្រយុទ្ធ Eden Hazard នៅទីបំផុតអាចរកគ្រាប់បាល់ឱ្យក្រុមអធិរាជស Real Madrid បានហើយ ក្នុងជ័យជម្នះលើក្រុម Celtic ៣-០ ពានរង្វាន់ UEFA Champions League ។
ក្នុងដំណើរការពារតំណែងជើងឯកពានរង្វាន់ UEFA Champions League នៅយប់មិញនេះ ក្រុម Real Madrid ធ្វើបានយ៉ាងល្អ ដោយយកឈ្នះលើក្រុម Celtic បាន ៣-០។ ៣គ្រាប់សម្រេចទីបាននោះ ចេញពី Vinicius Junior ១គ្រាប់ Luka Modric ១គ្រាប់ និង១គ្រាប់ទៀតជាការសម្រេចបានពីសំណាក់ខ្សែប្រយុទ្ធ Eden Hazard ដែលប្ដូរជំនួស Karim Benzema នៅនាទី៣០ដែលរងរបួស។
នេះជាការរកគ្រាប់បាល់បានវិញរបស់ Hazard ក្រោយពីរូបគេមិនសូវទទួលបាននាទីលេងនោះទេ ដោយសារតែបញ្ហារបួសជាប់ជានិច្ច។ យ៉ាងណាមិញ Benzema ទំនងជាមិនអាចលេងបានទេ ព្រោះរបួសនោះយប់មិញនេះ ដូច្នេះប្រកួតក្រោយៗ លោក Ancelotti អាចនឹងប្រើប្រាស់ខ្សែប្រយុទ្ធបែលហ្សិករូបនេះបន្ដទៀតហើយ៕