ខ្សែបម្រើ Kevin de Bruyne បានអះអាងថាខ្សែប្រយុទ្ធ Erling Haaland កាន់តែល្អឡើងពីមួយថ្ងៃទៅមួយថ្ងៃ ដែលនឹងធ្វើឱ្យសមត្ថភាពរបស់គេកាន់តែកើនឡើងមិនឈប់នោះទេ។
បើកឆាកពានរង្វាន់ UEFA Champions League នៅយប់មិញនេះ ក្រុម Manchester City របស់លោក Pep កាន់តែធ្វើបានល្អឡើងបន្ថែមមួយកម្រិតទៀតហើយ។ ជាក់ស្ដែង ប៉ះក្រុម Sevilla ពួកគេអាចយកឈ្នះបានដល់ទៅ៤-០ ឯណោះ ដោយ៤គ្រាប់នោះរកបានដោយ Haaland ២គ្រាប់ Foden ១គ្រាប់ និង Ruben Dias ១គ្រាប់ទៀត។
ក្រោយពីចប់ការប្រកួតភ្លាម De Bruyne បាននិយាយសរសើរមិត្ដរួមក្រុម Haaland ភ្លាមតែម្ដង។ ខ្សែបម្រើបែលហ្សិកបានអះអាងថាបន្ដបែបនេះទៀត Haaland នឹងក្លាយជាខ្សែប្រយុទ្ធកំពូលម្នាក់ ដែលគ្រប់គ្នាខ្លាចរអាមិនខាន។ គេមិនធ្វើបានល្អហើយនៅប៉ុន្មានប្រកួតមកនេះ ប៉ុន្តែបើយល់ច្បាស់ពីការលេងនិងលេងបានច្រើនប្រកួតជាងនេះ នោះការរកគ្រាប់បាល់របស់គេនឹងបានកាន់តែច្រើនបន្ថែមទៀតមិនខាន៕