សំណុំរឿង Paul Pogba ស្ថិតក្នុងដៃចៅក្រមពីររូប ខណៈដែលការិយាល័យព្រះរាជអាជ្ញាទីក្រុងប៉ារីសបានបើកការស៊ើបអង្កេតតាមផ្លូវតុលាការលើការជំរិតទារប្រាក់ដែលកីឡាករ Juventus បច្ចុប្បន្នអះអាងថាគាត់កំពុងរងទុក្ខនៅក្នុងដៃសមាជិកគ្រួសារ មិត្តភក្តិកុមារភាព និងឧក្រិដ្ឋជនមួយចំនួន។
នៅក្នុងសវនាការជាលើកទីពីររបស់ Pogba កីឡាករបាល់ទាត់បានបដិសេធថាមិនបានហៅគ្រូមន្តអាគមន៍មកធ្វើអំពើលើ Kylian Mbappe ក៏ដូចជាការពារមិនឲ្យរបួសនៅលើទីលាន ដូចដែលបងប្រុសរបស់គាត់ Mathias ចោទប្រកាន់នោះទេ។
Pogba បង្ហាញថា គឺជាការពិតដែលគាត់បានចំណាយប្រាក់ទៅអោយគ្រូមន្តអាគមន៍ ប៉ុន្តែគាត់បានធ្វើវាដើម្បីជួយសមាគមមនុស្សធម៌ និងមិនមែនដើម្បីធ្វើអំពើទៅលើ Mbappe នោះទេ នេះបើយោងតាម Franceinfo។
Pogba ជឿថា បងប្រុសរបស់គាត់ Mathias ស្ថិតនៅក្រោមសម្ពាធពីក្រុមក្មេងទំនើង និងកំពុងធ្វើសកម្មភាពក្រោមបញ្ជាពីក្រុមក្មេងទំនើងដើម្បីធ្វើបាបគាត់។
Franceinfo រាយការណ៍ថា នាពេលថ្មីៗនេះ Pogba បានប្តូរលេខទូរស័ព្ទរបស់គាត់ពីរដង ដើម្បីគេចពីការយាយីពីក្រុមជំរិតទារប្រាក់របស់គាត់ ប៉ុន្តែមិនបានសម្រេច។
Pogba នៅទីបំផុតបានបង់ប្រាក់ចំនួន ៩៨,៩១៥ អឺរ៉ូ នៃចំនួន ១៣ លានអឺរ៉ូ ដែលទាមទារដោយក្រុមជំរិតទារប្រាក់របស់គាត់។
សារព័ត៌មានបារាំងរាយការណ៍ថា ខ្មាន់កាំភ្លើងដំបូងបានទាមទារប្រាក់ចំនួន ១៣លានអឺរ៉ូ ហើយបន្ទាប់មកទាមទារសំណងជាបន្ទាន់ចំនួន ៣លានអឺរ៉ូ។
FranceInfo បានចុះផ្សាយថា Pogba មិនអាចដកប្រាក់ ៣ លាន ពីធនាគារបាននោះទេ បន្ទាប់មកក៏បានបញ្ចប់ដោយការបង់ប្រាក់ចំនួន ៩៨,៩១៥ អឺរ៉ូ៕
ប្រភព៖ Marca