នេះមិនមែនតែធៀបកីឡាករនិងកីឡាករទេ តែកម្រិតគ្រាប់បាល់ Erling Haaland អាចធៀបដល់កម្រិតក្លឹបទាំងមូលទៀតផង។ គ្រាប់បាល់ទល់ Aston Villa ថ្ងៃមុន នាំឲ្យកីឡាករន័រវេសរំកិលដល់គ្រាប់បាល់ទី ១០ ត្រឹម ៦ ប្រកួតនៅក្របខ័ណ្ឌកំពូលអង់គ្លេស នៅរដូវកាលដំបូងរបស់ខ្លួន។
នេះគ្រាប់បាល់របស់គេ បើធៀបនឹងកម្រិតក្លឹបឯណោះវិញ គឺមានតែ ៥ ក្លឹបប៉ុណ្ណេះធ្វើបានច្រើនជាង កីឡាករមួយរូប គឺ Haalaand រួមមាន Arsenal, Tottenham, Liverpool, Brighton និង Brentford។ គិតត្រឹមជុំទី ៦ ក្លឹបរកបានគ្រាប់បាល់ច្រើនបំផុតគឺជា Man City តែបើយើងមិនរាប់ចូល ហើយរាប់ឈ្មោះក្លឹបដទៃ នោះគឺមានដូចជា Liverpool, Brentford ១៥ គ្រាប់ Arsenal ១៤ គ្រាប់, Tottenham ១២ គ្រាប់ និង Brighton ១១ គ្រាប់។
រំឭកឲ្យដឹង Haaland ក៏បានឈោងស្មើកំណត់ត្រា Micky Quinn នៅ ៦ ប្រកួតដំបូង អាចរកបាន ១០ គ្រាប់ នាំមុខកីឡាករពីមុនៗ ដូចជា Sergio Aguero, Diego Costa និង Klinsmann ដែលធ្វើបានត្រឹម ៨ គ្រាប់ប៉ុណ្ណោះ។ កីឡាកររកបានគ្រាប់បាល់ច្រើនបំផុតនៅ Premier League រដូវកាលទោល គឺ ៣៤ គ្រាប់ ដោយ Andy Cole និង Alan Shearer ចាំមើលថាតើយុវជនខាងលើ អាចបំបែកបានឬអត់ ខណៈការប្រកួតសល់ ៣២ ជុំទៀត៕
ប្រភព៖ BeSoccer