អតីត​ខ្សែ​ការពារ​ Liverpool លោក Jamie Carragher ដែល​ត្រូវ​បាន​គេ​ស្គាល់​ជា​អ្នក​តែង​មាន​ពាក្យ​រិះគន់ និង​និយាយ​ចំណុច​មិន​ល្អ របស់ Cristiano Ronaldo បាន​បន្ត​ផ្លែផ្កា​ទៅ​ឲ្យ​តារា​ឆ្នើម​សញ្ជាតិ​ព័រទុយហ្គាល់​បន្ត​ទៀត​ហើយ ក្រោយ​ចប់​ការ​ប្រកួត​ដែល ​Man Utd ពាន​យក​ឈ្នះ ៣-១ ទៅ​លើ Arsenal។

ជា​ការ​ពិត CR7 នៅ​បន្ត​ឈរ​ឈ្មោះ​នៅ​កៅអី​បម្រុង​ហើយ​ដល់​តង់​ទី ២ នាទី ៥៨ ទើប​ត្រូវ​បាន​លោក Erik ten Hag ដាក់​ឲ្យ​ចូល​លេង ជំនួស​វត្តមាន Antony ជា​អ្នក​រក​បាន​គ្រាប់​បាល់​បើក​ឆាក។ ទោះ​ជា​យ៉ាង​ណា កីឡាករ​វ័យ ៣៧ ឆ្នាំ ពុំ​បាន​ក្លាយ​ជា​អ្នក Assist ឬ​រក​គ្រាប់​បាល់​បន្ថែម​អ្វី​នោះ​ទេ ក្រៅ​តែ​ពី​ពីរ​គ្រាប់​របស់ Marcus Rashford ហើយ​ជា​រួម​ស្ថិតិ​រដូវ​កាល​នេះ ៦ ប្រកួត ក៏​មិន​ទាន់​បើក​គណនី​គ្រាប់​បាល់​នៅ​ឡើយ។

ងាក​ទៅ Carragher បាន​បង្ហោះ​សារ​បែប​ឌឺដង​លើ Twitter ថា៖ “តើ​មាន​រឿង​អ្វី​កើត​ឡើង​ទៅ​លើ Man Utd ក្រៅ​តែ​ពី​គ្មាន​គ្រាប់​បាល់​របស់ Ronaldo”។ ន័យ​នេះ ចង់​ថា United មាន​តែ​ធ្វើ​បាន​ល្អ​លើស​ដើម ដោយ​មិន​ចាំ​បាច់​ពឹងផ្អែក​គ្រាប់​បាល់​របស់​អតីត​សមាជិក Juventus/Real Madrid ខាង​លើ។ ចុះ​គ្នា​យើង​យល់​ឃើញ​បែប​ណា​ដែរ អំពី​ការ​បង្ហោះ​សារ​របស់ Carragher?

ប្រភព៖ Sportskeeda