ខ្សែប្រយុទ្ធ Cristiano Ronaldo បានក្រោកឈរទះដៃនៅពេលខ្សែប្រយុទ្ធ Antony រកគ្រាប់បាល់បានក្នុងប្រកួតដំបូងទល់ក្រុមកាំភ្លើងធំ Arsenal នៅយប់មិញនេះ។
សម្រាប់សប្ដាហ៍ទី៦នេះដែរ ខ្សែប្រយុទ្ធ Ronaldo នៅតែមិនអាចចូលលេងជម្រើសដំបូងបានដដែល ពោលគឺត្រូវប្ដូរចូលនៅតង់ទី២វិញ។ ដោយឡែកពេលអង្គុយកៅអីបម្រុងនេះដែរ នៅពេល Antony រកគ្រាប់បាល់បាននោះ Ronaldo ហាក់បង្ហាញការសប្បាយចិត្តមែនទែន ដោយក្រោកឈរហើយទះដៃអបអរតែម្ដង។ នេះបានបង្ហាញឱ្យឃើញថា គេពិតជាសប្បាយចិត្តនៅពេលឃើញសមាជិកក្រុមរកគ្រាប់បាល់បាន និងទទួលបានជ័យជម្នះក្នុងប្រកួតដ៏សំខាន់នេះ។
រំលឹកថា Ronaldo អង្គុយកៅអីបម្រុងរហូតតែម្ដង ដែលនេះបានបង្ហាញឱ្យឃើញថាលោក Erik ten Hag មិនបានផ្ដល់ទំនុកចិត្តលើខ្សែប្រយុទ្ធវ័យ៣៧ឆ្នាំនេះទៀតទេ។ ស្របពេល Antony មកទៀត វានឹងធ្វើឱ្យនាទីលេងរបស់អតីតកីឡាករ Real Madrid នឹងថយចុះបន្ថែមទៀតមិនខាន៕