ក្រុម Manchester City លេងបានត្រឹមស្មើជាមួយក្រុម Aston Villa ក្នុងលទ្ធផល ១-១ ប៉ុណ្ណោះសម្រាប់ការប្រកួតទី៦នៃលីគកំពូលអង់គ្លេសនេះ។
ក្នុងការប្រកួតខាងលើនេះ ខ្សែប្រយុទ្ធ Earling Haaland បន្ដរកគ្រាប់បាល់បានទៀតនៅនាទី៥០ ប៉ុន្តែមិនអាចយកឈ្នះបាននោះទេ ដោយកីឡាករ Bailey រកគ្រាប់បាល់តាមស្មើវិញបាននៅនាទី៧៤។ លទ្ធផលស្មើគ្នា១-១ នេះរក្សារហូតដល់ចប់ការប្រកួតតែម្ដង មិនមានការប្រែប្រួលនោះទេ។ ដោយលទ្ធផលយកបានត្រឹម១ពិន្ទុនេះដែរ ធ្វើឱ្យក្រុមរបស់លោក Pep ឈរនៅលេខ២ក្នុងតារាង ដោយលេង៦ប្រកួត មាន១៤ពិន្ទុ។
ក្រោយចប់ការប្រកួត លោក Pep បាននិយាយថាលោកបានដឹងរួចទៅហើយចំពោះការប្រកួតនេះថានឹងមិនងាយស្រួលនោះទេ។ គ្រប់គ្នាអាចគិតថា Man City នឹងអាចឈ្នះរាល់ការប្រកួតបានយ៉ាងងាយ ប៉ុន្តែជាក់ស្ដែងវាមិនមែនបែបនេះឡើយ។ Premier League មិនមែនជាលីគដែលងាយស្រួលឈ្នះនោះទេ លោកនៅទីនេះ៧រដូវកាលគឺដឹងច្បាស់តែម្ដង៕