ខ្សែប្រយុទ្ធ Pierre-Emerick Aubameyang បាននិយាយថាបានទៅលេងនៅក្រុម FC Barcelona ត្រឹមតែរយៈពេល៦ឆ្នាំមកនេះ គឺមានអារម្មណ៍ហាក់បីដូចជាបានទៅលេងនៅទីនោះរយៈពេល៦ឆ្នាំអីចឹងដែរ។
Aubameyang បានចេញពី Arsenal និងបានចូលរួមជាមួយក្រុម Barcelona នៅខែកុម្ភៈដើមឆ្នាំ២០២២នេះ ហើយលេងបានត្រឹមពាក់កណ្ដាលរដូវកាល ក៏ស្រាប់តែពេលនេះ Chelsea ទិញគេមកលេងនៅ Premier League ក្នុងតម្លៃខ្លួន១០លានផោន។ ការត្រលប់មកលេងនៅអង់គ្លេសវិញនេះដែរ ក៏ព្រោះតែគេមិនស្ថិតក្នុងគម្រោងប្រើប្រាស់របស់អ្នកចាត់ការ Xavi នោះទេ ដូច្នេះហើយទើបក្លឹបលក់គេចេញវិញ។
ដើម្បីជាការលាជាមួយអ្នកគាំទ្រក្រុមអ្នកមានបុណ្យផងនោះ Aubameyang វ័យ៣៣ឆ្នាំបាននិយាយថា៖ “វាហាក់ដូចជារយៈពេល៦ឆ្នាំដែលខ្ញុំបាននៅជាមួយក្លឹបនេះ ទោះជាពេលពិតប្រាកដត្រឹម៦ខែក៏ដោយ។ ខ្ញុំជូនពរក្លឹបឱ្យទទួលបានជោគជ័យនៅពេលខាងមុខ។ អរគុណ គ្រួសារមួយនេះ”។ ត្រឹមរយៈពេល៦ខែកន្លងមកនេះ Aubameyang រកបាន១៣គ្រាប់ក្នុងការបង្ហាញខ្លួន២៤ប្រកួតផងដែរ៕