លោក Pep Guardiola មានទំនុកចិត្តថានៅឆ្នាំនេះ ក្រុម Manchester City នឹងអាចឈ្នះពានរង្វាន់ English Premier League បានទៀត។
ក្រុម Man City នារដូវកាលនេះហាក់ដូចជាពេញកម្លាំងល្អមែនទែន ជាពិសេសនៅតំបន់ប្រយុទ្ធខាងលើ ដែលមាន Earling Haaland ចាំតែស៊ុតរកគ្រាប់បាល់។ ជាក់ស្ដែងនៅ២ប្រកួតចុងក្រោយនេះ គេអាចរកបាន Hat-trick ទាំងពីរប្រកួតតែម្ដង និងមានគ្រាប់បាល់សរុបដល់ទៅ៩គ្រាប់ទៅហើយ ត្រឹមប្រកួត៥ប្រកួតមកនេះ។ ជាមួយទម្រង់លេងល្អថេរនេះហើយ ទើបបានជាលោក Pep មានទំនុកចិត្តថាក្រុមរបស់លោកនឹងធ្វើបានល្អនៅរដូវកាលនេះមិនខាន។
អ្នកចាត់ការដែលដឹកនាំក្រុម Man City យ៉ាងជោគជ័យខាងលើបានអះអាងថាក្រុមរបស់លោកមានសមត្ថភាពគ្រប់គ្រាន់ក្នុងការប្រជែងពានរង្វាន់ Premier League រដូវកាលនេះ។ វានឹងក្លាយជាកំណត់ត្រាមួយសម្រាប់ក្រុម City ប្រសិនបើអាចឈ្នះពានរង្វាន់ English Premier League បាន៣ឆ្នាំជាប់គ្នា៕