Arthur Melo បានព្រមព្រៀងផ្ទេរទៅកាន់ក្លឹប Liverpool ក្នុងលក្ខខ័ណ្ឌខ្ចីជើងពី Juventus ដោយក្លឹបនៅ Premier League មួយនេះ ចង់បានរូបគេមកពង្រឹងតំបន់បម្រើ។
Arthur បានចាប់ផ្តើមអាជីពរបស់គាត់ជាមួយក្លឹបប្រេស៊ីល Gremio មុនពេលផ្លាស់ទៅ Barcelona ក្នុងតំលៃ ៣១ លានអឺរ៉ូ ក្នុងឆ្នាំ ២០១៨។គាត់ស៊ុតបញ្ចូលទីបាន ៤ គ្រាប់ក្នុងការបង្ហាញខ្លួន ៧២ ប្រកួតជាមួយក្លឹប La Liga ក្នុងរយៈពេល ២ រដូវកាល មុនពេលត្រូវបានលក់ទៅឱ្យ Juventus ក្នុងឆ្នាំ ២០២០។
Arthur បានបន្តបង្ហាញខ្លួនចំនួន ៦៣ លើកសម្រាប់ក្លឹបអ៊ីតាលីក្នុងរយៈពេលពីររដូវកាលរបស់គាត់នៅទីក្រុង Turin ដោយស៊ុតបញ្ចូលទីបាន ១ គ្រាប់។កំឡុងពេលគាត់នៅ Barcelona តារាឆ្នើមរបស់ពិភពលោក Messi បានប្រៀបធៀបខ្សែបម្រើប្រេស៊ីលរូបនេះ ទៅនឹងវីរបុរស Barcelona និងជាគ្រូបង្វឹកនាពេលបច្ចុប្បន្ន។
Messi ធ្លាប់បាននិយាយថា៖
គាត់ស្រដៀងទៅនឹង Xavi ណាស់ ព្រោះគាត់ចូលចិត្តបាល់ លេងខ្លីៗ និងមិនរបូតបាល់នោះទេ។ គាត់រឹងមាំណាស់ ហើយគាត់ធ្វើឲ្យខ្ញុំភ្ញាក់ផ្អើលយ៉ាងខ្លាំង។Arthur មានស្ទីលលេងដូចដែលយើងលេងនៅ Barcelona គាត់យល់ពីការហ្វឹកហាត់យ៉ាងឆាប់រហ័ស ហើយអ្នកគាំទ្រក្លឹប Barcelona ចូលចិត្តកីឡាករដែលល្អជាមួយការគ្រប់គ្រងបាល់នៅលើជើងរបស់ពួកគេ ហើយមានចង្វាក់លេង៕
ប្រភព៖ sportbible