ក្រុម U23 កម្ពុជា នឹងត្រូវមានប្រកួតមិត្តភាពសំខាន់មួយជាមួយក្រុមខ្លាំង U23 ជប៉ុន នៅថ្ងៃទី២០ខែកញ្ញាឆ្នាំ២០២២ខាងមុខនេះ។
ដើម្បីជាការត្រៀមសម្រាប់ស៊ីហ្គេម២០២៣នៅឆ្នាំក្រោយ និងជាការដកស្រង់យកពិសោធផងនោះ នៅថ្ងៃ២០ខាងមុខនេះ U23 កម្ពុជា បានណាត់ជើងខ្លាំង U23 ជប៉ុន មកសាកកម្លាំងគ្នា៩០នាទីនៅពហុកីឡដ្ឋានមរតកតេជោ។ ការប្រកួតមិត្តភាពនោះដែរ នឹងធ្វើឡើងនៅម៉ោង៧យប់។ ខណៈដែលសហព័ន្ធបាល់ទាត់កម្ពុជាបានបញ្ចេញបញ្ជីឈ្មោះរួចទៅហើយដែរកាលពីម្សិលមិញ ដោយមានកីឡាករសរុបដល់៣៥នាក់។
សម្រាប់កីឡាករទាំងអស់នឹងត្រូវប្រមូលផ្ដុំគ្នាហ្វឹកហាត់នៅថ្ងៃ១៥ខែកញ្ញាឆ្នាំ២០២២ខាងមុខនេះ។ ដោយការប្រមូលផ្ដុំនោះដែរ ក៏នឹងមានការធ្វើតេស្ដកាយសម្បទាផងដែរ៕