ការដោះដូរកីឡាករនៅតំបន់អឺរ៉ុបបានបិទបញ្ចប់នៅត្រឹមយប់មិញនេះហើយ ដោយក្នុងនោះនៅក្របខណ្ឌ English Premier League បានចំណាយអស់ជាង២ពាន់លានផោនឯណោះ។
ក្លឹបធំៗនៅអង់គ្លេស បានបង្កើនការចំណាយរបស់ខ្លួនដូចជា Chelsea ជាដើមនោះ ចាយអស់២៨០លានផោនទៅហើយ។ នេះនៅមិនទាន់រាប់បញ្ចូលក្រុម Manchester United អីដែរ ដែលបានចំណាយប្រាក់ជាច្រើននៅទីផ្សារដោះដូរកីឡាករនេះ ដើម្បីនាំយកកីឡាករល្អៗ និងប្រជែងកៅអីលេងពានរង្វាន់ UEFA Champions League វិញនៅរដូវកាលក្រោយ។ ខណៈដែល Man City , Spurs, Liverpool និង Arsenal ជាដើមនោះ ក៏សុទ្ធតែបានចាយប្រាក់ច្រើនៗដូចគ្នាដើម្បីនាំចូលកីឡាករ។
ដោយការចំណាយសរុបអស់ជាង២ពាន់លានផោននេះ បានបង្កើតជាកំណត់ត្រាចាយខ្ពស់បំផុតមួយហើយក្នុងប្រវត្តិសាស្ត្របាល់ទាត់អង់គ្លេស។ ដោយកំណត់ត្រាចាយច្រើនចាស់នោះ មានត្រឹម១,៤៥ពាន់លានផោនប៉ុណ្ណោះ។ គេជឿថានៅពេលខាងមុខនេះ ការដោះដូរកីឡាករនឹងអាចមានការចំណាយកើនឡើងបន្ថែមទៀត ក្រោយពីក្លឹបមួយចំនួនក៏បានផ្លាស់ប្ដូរម្ចាស់ ហើយអ្នកមកកាន់ថ្មីសុទ្ធតែលំដាប់មហាសេដ្ឋីទៅហើយ ដូច្នេះនៅពេលខាងមុខ ពួកគេក៏នឹងមានខ្ទង់ចំណាយច្រើនៗដូចក្រុមនៅ Top6 ដែរ៕