នៅថ្ងៃចុងក្រោយនៃការដោះដូរកីឡាករ ក្រុម Liverpool ក៏បានខ្ចីជើងខ្សែបម្រើ Arthur Melo ពីក្រុម Juventus មកជួយក្រុម ដែលកំពុងមានបញ្ហានៅតំបន់បម្រើ។
ក្រុមហង្សក្រហម Liverpool មានបញ្ហាកីឡាកររបួសច្រើននៅដើមរដូវកាលនេះ ដែលធ្វើឱ្យលោក Jurgen Klopp ពិបាកសម្រេចចិត្តមែនទែន។ តែយ៉ាងណា នៅថ្ងៃចុងក្រោយនៃការដោះដូរកីឡាករ លោកក៏បានសម្រេចចិត្តខ្ចីជើងខ្សែបម្រើប្រេស៊ីលម្នាក់មកជួយក្រុមផងដែរ។ Arthur Melo ដែលជាកីឡាកររបស់ក្រុម Juventus បានយល់ព្រមមកលេងនៅ Anfield ក្រោមលក្ខខណ្ឌខ្ចីជើង១រដូវកាល។
ការមកលេងនៅអង់គ្លេសក្រោមលក្ខខណ្ឌខ្ចីជើងនេះដែរ គឺ Arthur ក៏អាចនឹងក្លាយជាកីឡាករពេញសិទ្ធិរបស់ក្រុម Liverpool ផងដែរ ប្រសិនបើរដូវកាលនេះគេលេងល្អ។ ព្រោះក្នុងកុងត្រាចប់ការខ្ចីជើងនេះទៅ Liverpool អាចនឹងទិញគេយកដាច់បានក្នុងតម្លៃខ្លួន៣២លានផោន។ ដោយខ្ចីជើង១រដូវកាលនេះ ក្រុមរបស់លោក Klopp ត្រូវចំណាយ ៣,៩លានផោនឱ្យក្រុម Juventus ៕