លោក Pep Guardiola បាននិយាយថាខ្សែប្រយុទ្ធ Earling Haaland នឹងក្លាយជាខ្សែប្រយុទ្ធល្អបំផុតក្នុងប្រវត្តិសាស្ត្ររបស់ក្លឹប Manchester City ជាក់ជាមិនខាន។
ក្រុមរបស់លោក Pep បានបង្ហាញសាច់ដុំមែនទែននៅប៉ុន្មានប្រកួតចុងក្រោយនេះ ជាពិសេសវត្ដមានរបស់កីឡាករ Haaland ផ្ទាល់តែម្ដង។ កាលពីប្រកួតមុន ខ្សែប្រយុទ្ធរូបនេះរកបាន៣គ្រាប់ម្ដងមកហើយ ខណៈដែលយប់មិញនេះរូបគេក៏រកបាន៣គ្រាប់ទៀតក្នុងការប្រកួតដែលក្រុម City យកឈ្នះលើក្រុម Nottingham Forest ក្នុងលទ្ធផល ៦-០ ឯណោះ។ សរុប៥ប្រកួតកន្លងមកនេះ កីឡាករន័រវែសរកបានដល់ទៅ៩គ្រាប់ទៅហើយឱ្យក្រុមមេឃខៀវ។
មើលឃើញលេងល្អយ៉ាងនេះ ទើបលោក Pep បានអះអាងថាអនាគតទៅគេនឹងក្លាយជាវីរបុរសម្នាក់នៅក្រុម Manchester City មិនខាន។ Haaland នឹងក្លាយជាខ្សែប្រយុទ្ធល្អបំផុតក្នុងប្រវត្តិសាស្ត្រក្លឹបនេះ ព្រោះរូបគេបានបង្ហាញរួចទៅហើយពីទឹកចិត្តស្រលាញ់និងកាខិតខំប្រឹងប្រែងលេងរបស់គេ៕