ខ្សែប្រយុទ្ធរបស់ក្លឹប Borussia Dortmund ត្រូវបានគេធ្វើរោគវិនិច្ឆ័យថាមានដុំសាច់មហារីក បន្ទាប់ពីមានអារម្មណ៍មិនស្រួលខ្លួនក្នុងអំឡុងពេលការប្រកួតទេសចរណ័មុនរដូវកាលរបស់ក្លឹបនៅប្រទេសស្វីសកាលពីខែកក្កដា។និយាយអំពីប្រតិកម្មគ្រួសាររបស់គាត់មចំពោះព័ត៌មាននេះ Haller បានសារភាពថាម្តាយរបស់គាត់ហាក់ពិបាកទទួលយកចំពោះរោគវិនិច្ឆ័យរបស់គាត់នេះណាស់។
គាត់បន្ថែមថា៖
ប្រពន្ធរបស់ខ្ញុំមានការតក់ស្លុត ប៉ុន្តែនាងអាចដោះស្រាយវាបាន។ ប៉ុន្តែ.. ម្តាយរបស់ខ្ញុំ.. វាមិនដូចគ្នាទេ ព្រោះគាត់គឺជាម្តាយ។
ខ្ញុំបានទូរស័ព្ទទៅបងប្អូនរបស់ខ្ញុំ ដើម្បីប្រាកដថាពួកគេនឹងនៅទីនោះដើម្បីនៅក្បែរម្តាយរបស់ខ្ញុំ ដើម្បីកុំឱ្យគាត់មានអារម្មណ៍ឯកោ។ នេះជាអ្វីដែលខ្ញុំបានធ្វើ។
Haller ត្រូវបានគេរំពឹងថានឹងត្រូវព្យាបាលរយៈពេលច្រើនខែ ខណៈដែលគាត់ទទួលបានការព្យាបាលដោយថ្នាំគីមី ហើយកីឡាករវ័យ ២៨ ឆ្នាំរូបនេះ ទទួលបានការវិវត្តន៍ជាវិជ្ជមានចំពោះស្ថានភាពជម្ងឺរបស់គាត់។
គាត់ក៏បានដាស់តឿនមនុស្សដទៃទៀត ឱ្យរៀនសូត្រពីស្ថានភាពរបស់គាត់ ហើយត្រូវឧស្សាហ៍តាមដាន និងទៅពិនិត្យរកមើលដុំសាច់ដែលអាចកើតមាននៅលើរាងកាយ។
Haller ‘ឥឡូវនេះ ខ្ញុំពិតជាមានអារម្មណ៍ល្អណាស់។ ខ្ញុំសូម្បីតែនៅកម្រិតដូចគ្នាកាលពីប៉ុន្មានខែមុន ដូច្នេះនោះជាសញ្ញាល្អ។ ខ្ញុំញ៉ាំបានឆ្ងាញ់ល្អ។’
‘មនុស្សជាច្រើនជូនពរ និងផ្តល់ទំនុកចិត្តឱ្យខ្ញុំក្នុងការឆ្លងកាត់រឿងនេះ។ ខ្ញុំចង់ប្រាប់អ្នករាល់គ្នាថាខ្ញុំមានអារម្មណ៍ល្អជាធម្មតា។’
Haller ទើបតែបានចូលរួមជាមួយ Dortmund ពី Ajax ក្នុងតម្លៃ ៣១ លានផោនកាលពីខែមុនបន្ទាប់ពីរដូវកាល ២០២១-២២ ដ៏គួរឱ្យចាប់អារម្មណ៍ដែលបានឃើញគាត់ស៊ុតបញ្ចូលទីបាន ៣៤ គ្រាប់នៅក្នុងការប្រកួតទាំងអស់របស់ក្លឹប។ទោះបីជាយ៉ាងណាក៏ដោយ គាត់មិនទាន់បានលេងការប្រកួតសម្រាប់ក្រុមនៅ Bundesliga នៅឡើយទេ ដោយសារការធ្វើរោគវិនិច្ឆ័យដុំសាច់របស់គាត់៕
ប្រភព៖ dailymail