លោក Thomas Tuchel ថានៅពេលនេះក្រុមតោខៀវ Chelsea បានក្លាយជាក្រុមមួយដែលងាយនឹងយកឈ្នះខ្លាំងណាស់ ព្រោះមានចន្លោះប្រហោងច្រើនមែនទែន។
ក្រុម Chelsea នៅរដូវកាលនេះលេងមិនល្អនោះទេ បើទោះជាពួកគេនាំចូលកីឡាករថ្មីមកជាច្រើនហើយក៏ដោយ។ ជាក់ស្ដែងនៅយប់មិញនេះ Raheem Sterling រកគ្រាប់បាល់នាំមុខឱ្យក្រុម Chelsea មុនទៅហើយ ប៉ុន្តែត្រូវបាន Southampton រកគ្រាប់បាល់វាយបកវិញដល់ទៅ២គ្រាប់។ ចប់ការប្រកួត Southampton យកឈ្នះ Chelsea ក្នុងលទ្ធផល ២-១ ។
ក្រោយពីចប់ការប្រកួតនេះទៅ លោក Thomas Tuchel បាននិយាយថាក្រុមរបស់លោកនៅពេលនេះ ហាក់ដូចជាងាយស្រួលសម្រាប់ក្រុមដទៃក្នុងការយកឈ្នះខ្លាំងណាស់។ ក្រុមមិនមានស្មារតីក្នុងការលេងនោះទេ ហើយវាកើតឡើងហាក់ដូចជាប្រកួតទល់ក្រុម Leeds United ដែរ។ គ្រប់គ្នាត្រូវមើលឡើងវិញនៅចំណុចនេះ និងកែសម្រួល៕