លោក Rio Ferdinand បានអះអាងថាខ្សែប្រយុទ្ធ Antony នឹងត្រូវការពេលវេលាច្រើនទៀតដើម្បីសម្របខ្លួនលេងឱ្យបានល្អជាមួយក្រុមបិសាចក្រហម Manchester United ។
Man Utd បានប្រកាសពីការទិញបាន Antony ពីក្រុម Ajax មកកាលពីម្សិលមិញនេះក្នុងតម្លៃខ្លួន៨០លានផោន។ ខ្សែប្រយុទ្ធប្រេស៊ីល នឹងមកដល់ Old Trafford នៅថ្ងៃអង្គារ៍នេះ ដើម្បីពិនិត្យសុខភាព ក៏ដូចជាបង្ហាញខ្លួនជាផ្លូវការតែម្ដង។ ដោយសង្ឃឹមថាគេអាចនឹងរួមចំណែកក្នុងក្រុមសម្រាប់ប្រកួតបន្ទាប់តែម្ដង ព្រោះលោក Erik ten Hag កំពុងត្រូវការកីឡាករប្រយុទ្ធស្រាប់។
តែទោះជាយ៉ាងនេះក្ដី បើតាមលោក Rio បានមើលឃើញថា Antony ត្រូវការពេលវេលាដើម្បីសម្របខ្លួន។ អ្នកគាំទ្រ មិនអាចសង្ឃឹមច្រើនទៅលើគេពេកសម្រាប់រដូវកាលដំបូងនោះទេ។ គេអាចនឹងដើរតាមគន្លងរបស់ Jack Grealish ដែលរដូវកាលដំបូងមិនអាចធ្វើបានល្អឡើយ។ សម្ពាធនឹងមានសម្រាប់កីឡាករដែលមានតម្លៃខ្លួនខ្ពស់ ហើយមកលេងនៅក្លឹបធំដូច Manchester United ៕