ក្លឹប West Ham បានប្រកាសទិញបានខ្សែបម្រើប្រេស៊ីល Lucas Paqueta ពីក្រុម Lyon ក្នុងតម្លៃខ្ពស់បំផុតនៅក្លឹប ៣៦,៥លានផោន ជាមួយកុងត្រារយៈពេល៥ឆ្នាំ។
Paqueta ជាខ្សែបម្រើជម្រើសជាតិប្រេស៊ីលកំពុងឡើងជើង និងសង្ឃឹមថានឹងមានវត្ដមានលេងនៅ FIFA World Cup នៅចុងឆ្នាំនេះផងដែរ។ រូបគេបានចូលរួមជាមួយក្រុម Lyon នៅឆ្នាំ២០២០កន្លងទៅ ក្នុងតម្លៃខ្លួន១៧លានផោន ដោយកាលនោះផ្ទេរមកពីក្រុម AC Milan ។ រហូតដល់រដូវកាលនេះ ក៏មានឱកាសបង្ហាញខ្លួននៅអង់គ្លេសម្ដង ចូលរួមជាមួយក្រុម West Ham ជាមួយតម្លៃខ្លួនដល់ ៣៦,៥លានផោន ដែលជាតម្លៃខ្លួនខ្ពស់បំផុតនៅក្លឹបនេះហើយ។
កីឡាករវ័យ២៥ឆ្នាំខាងលើនេះ នារដូវកាលមុនរកបាន៩គ្រាប់ និងបញ្ជូនបាល់ឱ្យមិត្តរួមក្រុមបាន៦គ្រាប់ក្នុងការបង្ហាញខ្លួន៣៥ប្រកួតនៅលីគកំពូលអង់គ្លេស។ នៅជម្រើសជាតិប្រេស៊ីលវិញ គេក៏បង្ហាញខ្លួនបាន៣៣ប្រកួតមកហើយដែរ ដោយក្នុងនោះរកបាន៧គ្រាប់៕