ក្រុមបិសាចក្រហម Manchester United បានខ្ចីជើងអ្នកចាំទី Martin Dubravka ពីក្រុម Newcastle United មួយរដូវកាលនេះ ហើយអមជាមួយលក្ខខណ្ឌទិញដាច់ផងដែរបើសិនលេងល្អ។
អ្នកចាំទីវ័យ៣៣ឆ្នាំនឹងធ្វើដំណើរទៅក្រុង Manchester នៅថ្ងៃអង្គារនេះ ដើម្បីពិនិត្យសុខភាព និងបង្ហាញខ្លួនជាមួយ Antony តែម្ដង មុនទីផ្សារដោះដូរកីឡាករបិទនៅត្រឹមថ្ងៃ១ខែកញ្ញាឆ្នាំ២០២២នេះ។ ក្រុមបិសាចក្រហម សម្រេចចិត្តយកកីឡាករជម្រើសជាតិស្លូវ៉ាគីនេះ ក៏ព្រោះតែមើលឃើញថា De Gea ត្រូវការអ្នកបម្រុងម្នាក់ទៀតផងដែរ ខ្លាចក្រែងគេមានបញ្ហារបួសអី។
ដោយពេលនេះ Man Utd នៅមានអ្នកចាំទីតែ២នាក់ទេ គឺ De Gea និង Tom Heaton ក្រោយពី Henderson សម្រេចចាកចេញទៅ។ ការយកMartin Dubravka គឺដើម្បីបំពេញកន្លែងអ្នកចាំទីដៃទី៣តែម្ដង៕