លោក Antonio Conte បានអះអាងថាក្រុម Spurs ត្រូវការដោះដូរកីឡាករ២រដូវកាលទៀតឯណោះ ទើបមានសមត្ថភាពគ្រប់គ្រាន់ក្នុងការប្រជែងយកពានរង្វាន់ English Premier League បាន។
ក្រុម Spurs នារដូវកាលនេះបានចាប់ផ្ដើមរដូវកាលបានល្អណាស់ ដោយអាចយកបាន១០ពិន្ទុពីការប្រកួត៤ប្រកួតកន្លងមកនេះ។ ការមិនទាន់ស្គាល់បរាជ័យនេះដែរ ក៏បានធ្វើឱ្យអ្នកគាំទ្រជាច្រើនកំពុងមានទំនុកចិត្តទៅលើក្រុមបច្ចុប្បន្នដែលធ្វើបានល្អ ហើយសង្ឃឹមថានឹងអាចមានឱកាសប្រជែងពានរង្វាន់ណាមួយបាននៅរដូវកាលនេះផងដែរ។
តែបើតាមសម្ដីរបស់លោក Conte វិញ អះអាងថានៅរដូវកាលនេះ Premier League សម្រាប់ Spurs នឹងមិនអាចនោះទេ។ ក្រុមរបស់លោកនៅមានចន្លោះប្រហោងច្រើន និងសមត្ថភាពវិញក៏មិនទាន់អាចទៅប្រជែងជាមួយក្រុមធំៗដទៃទៀតបានដែរ។ តែប្រសិនបើឆ្លងកាត់ការដោះដូរកីឡាករ២ដងទៀត នោះលោកអាចនិយាយបានថាក្រុម Spurs នឹងអាចចូលខ្លួនប្រជែងយកពានរង្វាន់បានហើយ៕