អ្នកទាំងអស់គ្នាប្រាកដជាមើលឃើញទាំងអស់គ្នាហើយថា រង្វង់ភ្នែក ប្រធានក្លឹប Barcelona លោក Joan Laporta មានស្នាមជាំខ្មៅ នៅពេលដែលគាត់ដើរទៅកាន់កន្លែងអង្គុយមើលរបស់ប្រធានក្លឹប។
Laporta ឈរជាមួយអនុប្រធាន Rafael Yuste និងវីរបុរស Real Madrid និងប្រធានក្លឹប Valladolid គឺ Ronaldo។ដំបូងគាត់បានមកដល់ដោយពាក់វ៉ែនតាខ្មៅ ប៉ុន្តែនៅពេលដែល Ronaldo ចូលរួមជាមួយគាត់ គាត់បានដោះវែនតានោះចេញ ហើយបង្ហាញឲ្យឃើញពីស្នាមជាំខ្មៅនៅលើរង្វង់ភ្នែករបស់គាត់។
វានៅមិនទាន់ដឹងច្បាស់នៅទេ ថាតើបុរសវ័យ ៦០ ឆ្នាំរូបនេះមានស្នាមជាំខ្មៅនៅជុំវិញភ្នែកស្តាំរបស់គាត់ដោយសារមូលហេតុអ្វីនោះទេ។
យោងតាម AS, ក្លឹបបានបញ្ជាក់ថា ស្នាមជាំខ្មៅរបស់លោក Laporta ដោយសារបញ្ហា “គ្រោះថ្នាក់ក្នុងគ្រួសារ”។
ទោះបីជាយ៉ាងណា ក្នុងការប្រកួតពេលនោះ Barcelona មិនបានធ្វើឲ្យលោក Laporta ខកចិត្តនោះទេ ខណៈដែលពួកគេបានយកឈ្នះ ៤-០ ទៅលើក្រុម Valladolid៕
ប្រភព៖ sportsbrief