ក្រុមរបស់ Hansi Flick ដែលកំពុងតែបន្តនាំមុខក្នុងការឈ្នះពានលីគជាលើកទី១១ ជាប់ៗគ្នា បានសម្រុកយ៉ាងខ្លាំងលើគូប្រកួតរបស់ខ្លួននៅកីឡដ្ឋាន Allianz Arena។
ប៉ុន្តែពួកគេត្រូវការ ការវាយបកនៅនាទីទី៨៣ ពី Leroy Sane ដើម្បីទទួលបានមួយពិន្ទុបន្ទាប់ពី Marcus Thuram បានធ្វើឱ្យក្រុមភ្ញៀវនាំមុខដោយការស៊ុតគ្រាប់បាល់ដំបូងរបស់ពួកគេនៅមុនពេលតង់ទី១។
ក្រុម Bayern សំណាងមិនសូវល្អ បានលេងជួបអ្នកចាំទីក្នុងទម្រង់លេងដ៏បំផុត គឺកីឡាករ Sommer របស់ប្រទេសស្វីស។
Sommer បានបង្ហាញថាខ្លួនជាជញ្ជាំងដ៏រឹងមាំរបស់ Gladbach ដោយបានសង្គ្រោះបាល់ដ៏គួរឱ្យភ្ញាក់ផ្អើលជាច្រើន – មិនថាវាមកពីឆ្ងាយ ឬជិតនោះទេ។
ចំនួននៃការសង្រ្គោះបាល់របស់គាត់បានបំបែកកំណត់ត្រាពីមុនដែលកាន់កាប់ដោយ Alexander Schwolow ដែលបានធ្វើបាន ១៤ ដង ទល់នឹង Bayern កាលពីដើមឆ្នាំនេះ។
១១ ដង នៃការសង្គ្រោះបាល់របស់ Sommer បានមកពីខាងក្នុងប្រអប់ ហើយគាត់បានទទួលការវាយតម្លៃ ១០/១០ ពី Sofa Score សម្រាប់អ្នកចាំទីថ្នាក់ខ្ពស់បំផុត។
Sommer វ័យ ៣៣ឆ្នាំ ត្រូវបានផ្សារភ្ជាប់ជាមួយនឹងព័ត៌មាននៃការផ្លាស់ទៅ Manchester United ហើយវាកាន់តែងាយស្រួលក្នុងការមើលឃើញថាហេតុអ្វីបានជាពួកគេចំណាប់អារម្មណ៍ Sommer។
ទោះបីជាលទ្ធផលស្មើក៏ដោយ Bayern នៅតែឈរកំពូលតារាង Bundesliga៕
ប្រភព៖ sportbible