តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ អធិរាជខៀវសាមគ្គី។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
អធិរាជខៀវសាមគ្គី ជាក្រុមមានមូលដ្ឋានស្ថិតក្នងទីក្រុងភ្នំពេញ បង្កើតឡើង ១២ ឆ្នាំមកហើយ ពោលតាំងពីឆ្នាំ ២០១០ ដោយជាការកៀរគរមិត្តរួមវិទ្យាល័យមកលេងរួមគ្នា ហើយសមាជិកខ្លះក៏បន្តឈរជើងក្នុងក្រុមមកទល់សព្វថ្ងៃ។ តំណាងក្រុម លោក ម៉ា សុផាន់ណេត សព្វថ្ងៃជាគ្រូបង្រៀនមួយរូប បានលើកឡើងយ៉ាងដូច្នោះថា៖
ខ្ញុំចង់ឲ្យយុវជនរបស់យេីង យកពេលមកចូលរួមលេងកីឡា ព្រោះវាផ្តល់ប្រយោជន៍ឲ្យយើងមានសុខភាពល្អ ជៀសឆ្ងាយពីគ្រឿងញៀន អ្វីដែលសំខាន់គឺទទួលបានមិត្តភាព សាមគ្គីភាព ដូចដែលខ្ញុំបានរក្សាវាជាមួយមិត្តភក្តិអស់រយៈពេលជាង ១០ ឆ្នាំមកនេះអ៊ីចឹង ពេលទៅមុខក្រុមពួកយើងក៏នឹងផ្តល់ឱកាសបន្ថែមសម្រាប់យុវជន ស្រករអាយុ ១៧-១៨ ឆ្នាំ ដែលចង់ចូលរួមលេងបាល់ទាត់។
ចំណែកឆន្ទៈទៅមុខ ក្រុមយើងចង់វិវត្តខ្លួនទៅចូលរួមការប្រកួតពានរង្វាន់នានា មិនថាតែក្នុងសហគមន៍ និងពានពាក់កណ្តាលអាជីព ប្រសិនជាមានលទ្ធភាព ព្រោះអីយើងជឿលើគុណភាពនៃក្រុមទាំងមូល ក្រោយឆ្លងកាត់ការសហការយល់ចិត្តគ្នាអស់ជាច្រើនឆ្នាំមកហើយនោះ។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
ជាចុងក្រោយអរគុណដល់ 2MBET ដែលបានឧបត្ថម្ភឯកសណ្ឋាន ជូនពរឲ្យក្រុមហ៊ុនមានការរីកចម្រើន និងមានអ្នកគាំទ្រកាន់តែច្រើនឡើងបន្ថែមទៀត៕