លោក Mark Clattenburg បាននិយាយគាំទ្រចំពោះលោក Jose Mourinho និងការសម្រេចចិត្តរបស់អាជ្ញាកណ្ដាលកាត់ក្ដីក្នុងទីលាន Mike Dean ដែលមិនមានពិន័យអ្វីឡើយ។
ក្នុងការប្រកួតដែល Chelsea ស្មើ Manchester United ២-២ មានរឿងកក្រើកមួយបានកើតឡើងនៅចុងម៉ោង ពោលគឺក្រោយពេលដែលក្រុម Chelsea តាមបានស្មើ គ្រួជំនួយឈ្មោះ Marco Ianni របស់តោខៀវ បានរត់ទៅឌឺនៅមុខ Jose ។ ភ្លាមនោះ អ្នកចាត់ការក្រុម Man Utd ពិតជាខឹងខ្លាំងមែនទែន ដោយហក់ទៅរកវាយលោក Marco ប៉ុន្តែសំណាងមានអ្នកចាប់ទាន់ មិនមានរឿងធំកើតឡើង។
ចំពោះហេតុការនោះ មិនមានការពិន័យអ្វីឡើយចំពោះលោក Jose ក្រោមការបញ្ជាការប្រកួតដោយអាជ្ញាកណ្ដាល Mike Dean។ ដោយការមិនដាក់ពិន័យនោះ ត្រូវបានលោក Mark Clattenburg គាំទ្រពេញទំហឹងតែម្ដង ព្រោះលោក Jose មិនមែនជាអ្នកបង្ករឿងមុនឡើយ។
លោក Mark Clattenburg ជាអាជ្ញាកណ្ដាលអង់គ្លេសម្នាក់ដែលល្បីឈ្មោះខ្លាំងណាស់ ប៉ុន្តែបច្ចុប្បន្ននេះលោកមិនបានដឹកនាំក្រុមប្រកួតនៅអង់គ្លេសឡើយ ក្រោយពីសម្រេចចិត្តទៅធ្វើការនៅសហព័ន្ធកីឡាបាល់ទាត់របស់ប្រទេសអារ៉ាប៊ីសាអ៊ូឌីត៕ប្រភភពDailyMail