១គ្រាប់យប់មិញឱ្យ Juventus បានធ្វើឱ្យ Ronaldo ក្លាយជាកីឡាកររកគ្រាប់បាល់បាន៤០០គ្រាប់មុនគេនៅតំបន់អឺរ៉ុប។Ronaldo រកបាន១គ្រាប់ក្នុងការប្រកួតដែលក្រុម Juventus ស្មើ Genoa ១ទល់នឹង១។ វាជាគ្រាប់បាល់ទី៥របស់គេឱ្យក្រុមនៅអ៊ីតាលីនេះហើយ ស្របពេលដែល១គ្រាប់នេះក៏ជាគ្រាប់បាល់ទី៤០០ សម្រាប់ Ronaldo ក្នុងការប្រកបអាជីពនៅទឹកដីអឺរ៉ុបនេះ។ ដោយ៥គ្រាប់នៅ Juventus ៨៤គ្រាប់នៅក្រុម Manchester United និង៣១១គ្រាប់នៅក្លឹប Real Madrid ។
កីឡាករឆ្នើមខាងលើ ត្បិតតែបង្កើតបានកំណត់ត្រាល្អយ៉ាងនេះក្ដី ប៉ុន្តែការស្មើយប់មិញក៏ធ្វើឱ្យ Juventus បន្ថយគំលាតពីក្រុមលេខ២ ផងដែរ។
ដោយបច្ចុប្បន្ន Juventus ឈរលេខ១មាន២៥ពិន្ទុ តាមពីក្រោយដោយ Napoli មាន២១ពិន្ទុ៕ប្រភព៖ DailyMail