Mourinho ហក់ទៅវៃគ្រូជំនួស Chelsea ដែលពួកែឌឺពេក

លោក Jose Mourinho បានហក់ទៅវាយលោក Marco Ianni គ្រូជំនួសរបស់ក្រុម Chelsea ក្រោយពីបុគ្គលរូបនេះបានរត់ទៅអបអរមុខក្រុមរបស់ Man Utd ។ហេតុការនេះបានកើតឡើង ក្រោយពី Barkley បានរកគ្រាប់បាល់តាមស្មើ នៅនាទី៩០+៦ ទៅហើយ ដើម្បីចែកគ្នាម្នាក់១ពិន្ទុជាមួយ Man Utd ក្រោយស្មើគ្នា២-២។
លោក Marco បានបង្ហាញអារម្មណ៍ពុះកញ្ជ្រោលខ្លាំងមែនទែន ក្រោយពីកូនក្រុមរបស់ខ្លួន រកបានតាមស្មើ ខណៈដែលលោក Jose វិញ មិនសប្បាយចិត្តចំពោះកាយវិការនោះទេ ហើយក៏ហក់ចេញពីកៅអីរកទៅវាយគ្រូជំនួស Chelsea នោះភ្លាមផងដែរ។ ដោយសារតែមានការឃាត់ច្រើន ទើបហេតុការបានស្ងប់ទៅវិញផងដែរ។
ក្រោយពីចប់ការប្រកួតនោះ លោក Sarri អ្នកចាត់ការក្រុម Chelsea ក៏មកសុំទោសលោក Jose ចំពោះកំហុសរបស់សមាជិកក្រុមខ្លួនផងដែរ។ លោក Sarri តែងតែគោរពលោក Jose ថាជាអ្នកចាត់ការកំពូលម្នាក់ ឈ្នះពានរង្វាន់គ្រប់កន្លែងអស់ហើយ៕
ប្រភព៖ DailyMail
ភ្ជាប់ទំនាក់ទំនងជាមួយ CTS SPORT