Man City ​បង្កើត​កំណត់ត្រា ​ជា​ក្រុម​ឈ្នះ​ច្រើន​ ស៊ុត​ចូល​ច្រើន និង​ពិន្ទុ​ខ្ពស់​ជាង​គេ​ក្នុង​ប្រវត្តិសាស្ត្រ

ក្លឹប Manchester City ​បាន​បង្កើត​កំណត់ត្រា​មួយ​ហើយ​ក្នុង​រដូវ​កាល​នេះ ​ដោយ​កា្លយ​ជា​ក្រុម​ឈ្នះ​ច្រើន​ជាង​គេ ស៊ុត​ចូល​ច្រើន​ជាង​គេ ​និង​មាន​ពិន្ទុ​ខ្ពស់​ជាង​គេ​ក្នុង​ប្រវត្តិសាស្ត្រ Premier League ។

ក្រោយ​យក​ឈ្នះ​លើ​ក្រុម Brighton ​៣-១ កាល​ពី​យប់មិញ​នេះ ​បាន​ធ្វើ​ឱ្យ Man City ​កាន់​កំណត់ត្រា​ដូច​រៀប​រាប់​ខាង​លើ​បាត់​ទៅ​ហើយ ​បើ​ទោះ​ជា​សល់​១​ប្រកួត​ក្នុង​ដៃ​ទៀត​ក៏​ដោយ។ ​ប្រសិន​បើ ​ក្រុម​របស់​លោក Pep ​អាច​យក​ឈ្នះ​លើ​ក្រុម Southampton ​បាន​ទៀត ​នោះ​ពួកគេ​នឹង​ក្លាយ​ជា​ក្រុម​ដែល​រក​បាន​១០០​ពិន្ទុ​ក្នុង​១​រដូវ​កាល​ហើយ។

ក្នុង​រដូវ​កាល​នេះ Man City ​រក​គ្រាប់​បាល់​បាន​សរុប​១០៥​គ្រាប់ ​និង​ឈ្នះ​ការ​ប្រកួត​បាន​៣១​ប្រកួត​ហើយ ​ក្នុង​ចំណោម​៣៧​ប្រកួត​កន្លង​មក។ ក្នុង​ចំណោម​ក្លឹប​ទាំង​អស់ ​នេះ​ជា​កំណត់ត្រា​ថ្មី​មួយ​ហើយ​សម្រាប់​ចារ​ទុក​ក្នុង​ប្រវត្តិសាស្ត្រ​លីគ​កំពូល​អង់គ្លេស៕

 

ភ្ជាប់ទំនាក់ទំនងជាមួយ CTS SPORT