ពេលវេលារបស់ Mauro Icardi នៅ Paris Saint-Germain ហាក់ដូចជាចប់ហើយ ដោយគ្រូបង្វឹក Christophe Galtier បាននិយាយថា វាល្អបំផុតដែលកីឡាករអាហ្សង់ទីនរូបនេះស្វែងរកក្លឹបថ្មី។
នៅមុនការប្រកួតថ្ងៃសៅរ៍ទល់នឹងក្រុម Montpellier លោក Galtier បានបញ្ជាក់ថា Icardi នឹងមិនមែនជាផ្នែកមួយនៃក្រុមរបស់គាត់នៅរដូវកាលនេះទេ។Galtier បាននិយាយក្នុងសន្និសីទសារព័ត៌មានថា “ខ្ញុំបានប្រាប់គាត់ថា ខ្ញុំចង់កាត់បន្ថយទំហំនៃក្រុម ហើយមិនធ្វើការជាមួយកីឡាករក្រៅទីលានចំនួន ២៥នាក់ទៀតនោះទេ។”
“ក្លឹបកំពុងធ្វើការយ៉ាងជិតស្និទ្ធជាមួយ Mauro ដើម្បីស្វែងរកដំណោះស្រាយដ៏ល្អបំផុត។”Icardi អាចចូលលេងបានលុះត្រាតែអ្នកណាម្នាក់ក្នុងចំណោម Kylian Mbappe, Neymar និង Lionel Messi អវត្តមាន។ការសម្រេចចិត្តនេះកើតឡើងស្របពេលដែលមានសេចក្តីរាយការណ៍ថា Icardi និងភរិយា Wanda Nara ជិតនឹងលែងលះគ្នា ហើយការអះអាងនេះត្រូវបានខ្សែប្រយុទ្ធរូបនេះបដិសេធ។
Galtier បានសម្រេចចិត្តដក Icardi ចេញពីក្រុម PSG ក្នុងពេលប្រកួតទល់នឹង Clermont ដែលជាការរុញកីឡាករអាហ្សង់ទីនរូបនេះខិតទៅកាន់តែជិតទ្វារចាកចេញ៕
ប្រភព៖ Marca